قصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
الحلقة 117:في مطار شارل ديغول الدولي كانت واقفة حاملة ساكها و جواز سفرها ليوم راح تخطي أول خطوة في طريق عودتها طل ما تغمض عينيها تتفكر الماضي و وجيعتو تتذكر دموعها و قهرتها تتذكر الظلم لي عاشتو تنقم و تحقد و تقول لا خلي نبقا هنا نبقى فهاذ البلاد هنا وين قدرت نعيش و نداوي جروحي هنا وين كونت شخصيتي القوية ورجعت إنسانة أخرى لكن كل ما نتذكر أني خليت شخص ممكن راه بحاجتي خليتو و هو طرف لحمة نعرف كنت قاسية نعرف ما نستاهلش كلمة أم نعرف مش من حقي نظهر فحياتها و نطلب السماح منها لكن مهما كان نبقى أم حابة نعيش هاذ الشعور ولو مرة وحدة في حياتي حابة نشوفها و نسمع كلمة ماما من فمها حابة نضمها و نشم ريحتها نشكيلها و تشكيلي هي الرابط الوحيد لي يربطني بذيك لبلاد و أنا علاجالها راح نعفس على قلبي و نرجع قامت ماشية بعدما سمعت النداء الاخير بدات تتقدم بخطوات ثقال و في غمرة شرودها سمعت إسم ينادي عليها :وفاء...وفاء وقف عندها يلهث و العرق يصب من على وجهو و كمل يحكي وين رايحة يا وفاء هكذا ديريها بيا و تروحي بلاما تخبريني بعت العشرة و الصداقة و صرتي تخططي من راسك. -خاطش عييت منك و نحاول فيك باه نرجع لكن أنت ميبس راسك و محبيتش تفهمني افهمني أنا صبري خلاص حابة نشوف بنتي حابة نكمل باقي حياتي بقربها -وراح ترجعي لذيك لبلاد لبلاد لي عذباتك و مرمداتك لبلاد لي خذات منك كلشي راح ترجعي و تشوفي الناس لي أذاوك قولي راح تقدري تتحملي تشوفيهم من جديد. -غمضت عينيها عارفة أنو كلامو صحيح عارفة أنها إذا رجعت لابد ليها من المواجهة عارفة أنها مهما قوات روحها لكن ماهي إلا مخلوق ضعيف لكن فالوسط كاين قطعة منها كبدتها و جزء من روحها لازم تواجه كلشي و إلا راح يبقى الندم ياكل فيها شافت فيه بثقة وقالت:أنا خذيت قراري يا جمال صحيح أنا كارهة الماضي و كلشي متعلق بيه لكن في وسط هاذ الماضي كاين بنتي ومش راح نزيد نخليها أكثر من هكذا قالت كلمتها و مشات بدون ما تتلفت هزت راسها تودع فهاذ لبلاد لي قضات فيها أكثر من 18 سنة من حياتها مشات و مش عارفة وش يستنا فيها لكن لي متأكدة منو أنو وفاء القديمة ماتت و جات في مكانها مراة قوية صلبة ثابتة تقدر تواجه أي عاصفة بلا ما طيح. - في الجهة الأخرى كان يسب و يكفر: الله ينعلك يا وفاء درتيها بيا كيفاه راح نحل هاذ المشكل ذوك هز بورطابلو دون الرقم و عيطلها جاه صوتها المستفز كيما العادة:غير الخير ياك دراهمك راهم يوصلولك كل شهر. -وشمن دراهم يا نصيرة العصفورة لي كنتي حابستها بح طارت وراهي في طريقها لدزاير...عيطت عليه عيطة حتى قريب تطرشو. -كيفاه كيفاه؟؟؟؟و أنت علاه مقتليش حتى مشات باه جاي تقولي وين كان عقلك الله لا تربحك. -و الله معلابالي المرأة خططت لكلشي وحدها بلاما تقولي حتى قبل ساعة باه عرفت بعدما خلاتلي رسالة تودعني فيها لحقت باه نقنعها ترجع لكنها أصرت قاتلك حابة تشوف بنتها. -الله ينعلكم في زوج و هي بعد هاذ السنين باه تفكرت بنتها و لا هاذا وين فطنت من لهبال لي كان حاكمها -كوبات في وجهو و هي تغلي من داخل تقول لمصايب تفاهمو باه يطيحو عليا وقت واحد الله لا تربحكم كامل الله لا تربحكم كل منين راح نحلها و لا منين بصح سبابي هو الكلب نتاع لهادي هو سبب كلشي ديما هو يغلط وأرواحي يا نصيرة حلي.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
