كرونيك#الظل

#الظل_الحلقة 141

الحلقة 141:بعداتو برفق من حضنها و قالت بكل إغراء أنا نشربك و أنت تشربني قربت الكاس من فمو و شربو على دفعة وحدة تبسمت بخبث و بدات تحضن فيه و تعمل فحركات إغراء و عاطية بظهرها للكاميرا حتى ميبانش وجها....الدوا بدا يعطي في مفعولو و سرعان ما طاح دايخ زربت نحاتلو قشو و حطاتو على الفراش و خرجت.
-بعد أيام رجعت لعندو و هي حاملة في يدها شريط الفيديو دخلت لعندو و بدون مقدمات حطاتو على المكتب نتاعو غير ركبو وشاف بداية المقطع الدم جمد في عروقو و قتها عرف أنو وقع في فخ كبير و ما منوش هروب شاف فيها بتوتر و قال: وش هذا؟؟؟
-تتذكر وقت قلت عليا شيطان مالا نحب نبشرك الشيطان خدم خدمتو و قدر يوسوسلك و يطيحك فالشبكة و ذوكا ما عليك غير طيع و تركع.
-المطلوب؟؟؟
-المطلوب تعطينا نسبة كبيرة من الشركة نتاعك و إلا راح يوصل هاذ الفيديو لحبيبتك فيروز و ولادها وش رايك.
-مكذبتش كي قلت عليك شيطان
-علابالي عزيزي بلاما تقولي هيا وش قلت معنديش بزاف وقت.
-الله لا تربحكم الله لا تربحكم يهود.
-قادر روحك على أساس أنت ملايكة شكون لي خان مرتو و خوه و مدارلهمش حساب و الا هاذا وين عرفت ربي.
-رضخ مصطفى لاوامر نصيرة و صارو شركة معاه فالشركة لكن من ذاك ليوم حس بحجم الغلطة لي دارها ضميرو يعذب فيه خصوصا لما يشوف في وجه فيروز و ولادو تأزمت صحتو و دهورت حالتو عاد لا ليلو ليل و لا نهارو نهار الذنب كبير و خايف بأي وجه يقابل ربي يبات طول الليل و هو يبكي على الحال لي وصل ليه من مصطفى الراجل الصالح النزيه الوفي لمرتو لمجرد واحد موسخ خاين و ناكر للعشرة ..مات مصطفى و دى حرقتو معاه للقبر..فذاك ليوم و كأنو حس بقرب أجلو طلب ولدو لغرفتو ولدو لي مش عارف و علاه تبدل عليه و علاه مبقاش يقعد معاه كيف قبل و علاه مبقاش يجيه للشركة و يقلقو بطلباتو و علاش مبقاش يضحك و لا يحكي معاه غير فاللازم زعما يكون ربي يعاقب فيه بولادو...كان ممدود على فراشو وقت دخل لعندو هشام
-طلبتني بابا
-إيه قرب يا بني.
-قرب و قعد على الكرسي لي قريب من سريرو: تفضل.
-أنا مش عرف يا هشام وش لي غيرك و بدلك عليا لكن يمكن نستاهل هاذ الشي ايه نستاهل تكرهني و تحقد عليا باباك دار ذنب عظيم ذنب كبير و مش عارف كيفاه نلاقي ربي بهاذ الذنب أنا واحد حقير و رخيس ما نستاهلش عايلة كيف نتوما أنا نستاهل جهنم و حاس بلي مش مطول و نروح ليها هذيك هي مكاني و هذيك هي مقامي كان يحكي و يبكي كيف الولد الصغير سامحني يا ولدي سامح باباك على لي دارو و أطلب من أمك و اختك يسامحوني و منطولش عليا نحبك ديما تزورني في قبري حتى و إذا مش حاب لكن على خاطري لبيلي هاذ الطلب علابالي راح نتوحشكم بزاف و أنا وحدي و صايتي ليك أمك و أختك حطهم في عينيك ربي ميساء كيف بنتك حافظ عليها و صونها حتى تسلمها للراجل لي يستاهلها و وصايتي الاخرة ليك رغم أني ما نستاهلهاش لكن ادعيلي ابقى ديما تدعيلي يخفف عليا ربي لعذاب
-كان يسمع ليه و الدموع مالية عينيه رغم انو الشي لي شافو كبير و كبير بزاف لكن مهما كان هاذا يبقى والدو هو لي جابو لهاذ الدنيا هو لي رباه و كبرو هو سندو و الحيط لي يتكا عليه وقت طيح بيه نسى كل شي في لحظة كرهو و حقدو و غضبو و ترمى في حضنو و على فمو كلمة وحدة مسامح دنيا و آخرة يا بابا.
- بعد ساعات كانت روح مصطفى عند خالقها و خلى وراه سر ما يعرفو غير هو و نصيرة و خوه.
Back:
-منقدرش نصدقك يا نصيرة حتى و إذا معملتوش علاقة لكن فكرة أنو لمسك تقيسني فرجولتي كل ما نتذكر الشي لي عملناه نندم نحس روحي ديوث و قليل نخوة.