كرونيك#الظل

#الظل_الحلقة 32

الحلقة 32:بورطابلو صونا هزو و شاف الرقم تنفس بغش شحال من مرة يقولها كي نكون نخدم متعيطليش هز عليها و كان راح يسبها لكن سكت بعدما سمعها تهدر بزربة. -سامحني إذا عيطتلك في هاذ الوقت لكن كاين أخبار مهمة ملازمش تتأجل. -بعد على البلاصة لي كان فيها و راح وقف بعيد احكي واش كاين؟؟ -ليوم سمعت سي الهادي و مدام نصيرة يحكيو و الظاهر على حساب مفهمت سي الهادي عندو طفلة واحد ميعرف بيها غير مدام نصيرة و الظاهر كانت مهداتو بيها و لاحاجة كيما هكذا و كاين حاجة ثاني مفهمتهاش مليح لكن من هدرتهم راهم يدبرو حاجة ولد سي مصطفى ربي يرحمو و حابين يزوجوه بنتهم هند. -صحيتي أنا لازم نقطع و أي جديد خبريني بيه،جا راح يقطع حتى سمعها تهدر-أستنى كاين حاجة قالوها بصح مفهمتهاش كي شغل كاين سر قبل ثلاثين سنة معرفتش وش هو-صحيتي أول مرة تخدمي خدمتك قدقد و آخر مرة تعيطيلي كي نكون خدام قفل عليها التلفون و هو يتبسم. -أممم مالا ظهرت عندك طفلة يا سي الهادي يادرا شكون أمها و واش قصتها لازم نفهم الحكاية و لا منيش الظل. - مع دار يشوف في هند قارات طومبيلها و الغش ياكل فيها ماكلة جا راح يكمل طريقو حتى يسمع فيها تعيطلو على طولها-آييي أنت أرواح هنا-رص على يديه بقوة يتحكم في روحو لوكان مجاش محتم عليه يبقا هنا لوكان راه فسدلها وجها أكره حاجة عندو الإنسان المتكبر لي يحتقر الناس وصل عندها و هو مهبط راسو و جهو ميبانش-كشما حتجتي يا آنسة-شوفلي طموبيلتي مفهمتش وش بيها قاعدة تسيح فالماء-أنا خدمتي عساس مش ميكانيسيان -كيفاش كيفاش عاود واش قلت شوف أهدر معايا بإحترام و لا طير منهنا-لكن أنا هدرت باحترام قتلك شوفيلها مكانيسيان أنا خدمتي نعس الرايح و الجاي منخدمش الطموبيلات -معرفتش روحها كيفاه جاتها القوة و هزت يدها باه تضربو بكف لكنو حكمها قبل متوصل-مزال مولداتوش أمو لي يحط يدو عليا يا آنسة هند بلمختاري قالها باستهزاء - هند كانت حايرة في هاذ الشخص أول مرة تلقا واحد بهاذ عزة النفس رغم فقرو و حاجتو لكنو مخافش منها و لا تحير على مصيرو كيما مذابش في جمالها و لا تاه فيه كيما يديرو أغلب الرجال جاها الفضول باه تشوف هاذ الراجل لي حيرها حبت تشوف شكلو أكيد شكلو جذاب كيما شخصيتو على غفلة منو وقت كان حاكملها يدها و تايه في ملامحها ليعجبوه استغلت هي الفرصة و نحات الكابيش من وجهو و هنا كانتلها الصدمة من الشوك مقدرتش تهدر و دخلت تجري للقصر أما هو فرجع قبعتو و تنهد بألم لوقتاه راح يبقى يستحمل كل ما يشوفو واحد لازم يتصدم.