كرونيك#الظل

#الظل_الحلقة 49

الحلقة 49:حل الصباح حامل في طياتو الكثير.
- كانت رايحة جاية فالصالة البارح ليل كامل مبانش حتى تيلفونو مقفول عيطت لصحابو و حتى واحد ماشافو:يا ربي راح يهبلني هاذ الطفل وين راح وين مكملتش كلامها حتى شافتو داخل شكلو مبهدل حال قفالي الشوميز كامل مطلع كم و كم مخليه ريحة الدخان ضاربة فيه
-فيروز شافت حالتو قلبها تقسم و زادت نقمت على ميساء أكثر هي لي وصلت خوها لهاذ الحالة راحت تجري ليه تحضن و تبوس:هكذا يا ولدي هكذا ليل كامل تغيب و تخليني متحيرة عليك مقلتش عندي أم نعيط و نطمنها عليا
-حقك عليا يا لغالية وقدم باس راسها كنت حاب نقعد وحدي شوي.
-روح يا ولدي دير دوش بدل قشك و بعدها أرواح عندي هدرة معاك.
-تنهد بعمق هو تقريبا عارف وش حابة تقول:احكي درك يا يما منيش قادر نطلع و نزيد نهبط أحكي مرة وحدة و خليني نروح لبيتي نرتاح.
-سكتت تلملم فالحروف لكنها مضطرة تحكي:لازم نداريو الفضيحة يا وليدي لازم الكلب نتاع وليد يستر على اختك و يرحمنا من كلام الناس.
-رص على يديه يتحكم في أعصابو يعني بعد آخر عمرو يروح يترجى واحد باه يسترلو على أختو :مستحيل نديرها باه نروح و نترجاه غير أنسايها.
-و الحل كيفاه يا بني لازم يصلح غلطتو مش برايو
-متخافيش أصلا عمي مستحيل يخليه بلاما ميزوجهم هذا هو الشيء لكانو حابينو راهم وصلو ليه
-فيروز تصدمت يعني حتى عمك علابالو:لطمت وجها بيديها يا فضيحتك يا فيروز يا فضيحتك وين ندير وجهي دوك اللوم كامل يولي عليا كلهم راح يقولولي انتي لمعرفتيش تربي وش درتي فينا يا ميساء وش درتي :واش قال عمك كي سمع؟؟؟
-مقال والو طاح برك و دوكا راهو فالسبيطار معلبليش وش صرالو.
-الله لا تربحك يا ميساء و يا وليد راح تقتلو الراجل:و كيف حالت عمك يا وليدي طمني.
-معلاباليش إذا حبيتي روحي و سقسي عليه أنا طالع نرقد متخلي حتى واحد يجي يعوضني.
- طلع للطابق الفوقاني رايح لغرفتو مر على غرفتها توقف لبرهة:هكذا يا ميساء هكذا هان عليك خوك هانت عليك روحك و شرفك ربطتيني و خليتيني مش قادر نتحرك مشا قبل ما يضعف و يروح يمرمدها بطريحة أعظم من نتاع البارح.
-في الجهة الأخرى كانت ميساء واقفة عند باب غرفتها و قت سمعت خطواتو طاحو دموعها لما حست بيه وقف عند باب غرفتها:سامحني يا خويا سامحني حطيتلك راسك فالتراب طيحت بيك و بكرامتك ارواح ياخويا اضربني اذبحني برد جنونك فيا نستاهل و راح نقولك زيدني ضربك قليل فيا.