الحلقة 155:فاقت على صداع قاوي في راسها حطت صباع يديها تفرك على جوانبو بحركة دائرية لكن قلبها دق و خافت لا يكون بيها حاجة خلاص لازم ليوم تروح للطبيب و تعرف علتها أحسن ما تعيش كل يوم مع الهواجس تركزت مع يدها على حافة السرير باش تقوم لكن غير قامت لقات روحها عريانة تماما ...ضربت بيدها على جبهتها و تبسمت بخجل على ليلة البارح لفت روحها و قربت من هشام الراقد جنبها و حطتلو قبلة مرصوصة على راسو وخرت راسها باش تبعد لكن يدو جبدتها و طيحتها فوق السرير تكلمت بدلال ممزوج بالخجل: هشااام.
-بدا يبوس فيها بوسات متفرقة و هو يحكي: روح هشام...قلب هشام...عيون هشام..وش ندير في قلبي الطحان هاذا لي مش قادر يفارقك قولي يا هنودة..
-تكلمت و خدودها صارو كيف الرمان: خلاص حبي بعد خليني نوقف...قاطعها قبل ما تكمل كلامها: اششش مكانش مش راح توقفي حتى نبرد ناري اللاهبة فيك.
-اووف يا هشام مشبعتش من ليلة البارح.
-كاين واحد يشبع من الجنة يا هند أنتي جنتي فردوسي الاعلى انتي بالنسبالي إدمان و في كل لحظة من لحظات حبنا نزيد نغرق أكثر و أكثر في إدماني ...جات باش تتكلم لكنو قاطعها بقبلة ملحمية على شفايفها شلتلها حركتها و خلاتها تستسلم طواعية لهاذ المشاعر الجارفة.
-بعد ساعة كانت قاعدة على كرسي الكوافوز تنشف في شعرها و هشام في الجهة الأخرى يلبس في قشو: هشام منقدرش نجي معاك للشركة اليوم .
-شاف فيها متسائل وعلاه؟؟؟
-قالت بكذب عندي موعد مع صحباتي عندنا بزاف مخرجناش .
-أذا كان هكذا معليش رغم أني راح نتوحشك لكن وش نعمل حكم القوي قرب منها باسها على خدها هز مفاتحو و خرج.
-يا ربي سامحني على هاذ الكذبة....ستنات عشر دقايق حتى تتأكد أنو مشا هزت مفاتحها و مشات متوجهة لاحسن دكتور مختص فالبلاد لازم تفهم سبب هاذ الوجيعة.
- بعد ساعة كانت قاعدة فعيادة الدكتور تستنا في دالتها و ما هي إلا لحظات حتى خرج راجل مسن من عندو تقدمت منها السكريتيرة و قالتلها تتفضل...هزت ساكها و يديها يرجفو كل ما تقدم خطوة تحس بقلبها يزيد في دقاتو ...تقوات على روحها و دقت الباب جاها صوت من داخل يأمرها بالدخول.
-قعدت على الكرسي لي مقابلو و الرجفة حاكمتها ...تكلم الدكتور حتى يكسر صمتها نشوف فيك متوترة متخافيش و احكيلي وش هي مشكلتك و إن شاء الله ما يكون غير الخير.
-اححم أنا..أنا..
-أحكي متخافي من حتى حاجة لازم تعرفي بلي أول مرحلة من أي علاج لازم تبدا بالصراحة قد ما يكون المريض صريح قدما يقدر طبيبو يشخص الحالة أفضل
-تشجعت شوية بعد كلامو و نطقت: أنا عندي مدة و أنا نحس بوجيعة قوية في راسي و في كل مرة تزيد تقوى على المرة لي قبلها شربت مسكنات و مهدئات لكن والو ما كان حتى نتيجة.
-امم تفضلي معايا لغرفة الأشعة حتى نشوف وش سبب هاذ الوجع و إن شاء الله مايكون غير الخير.
- كانت مستلقية على سرير عريانة و متغطية بلباس أخضر قلبها معادتش حاسة بيه من الخلعة غمضت عينيها تدعي من ربي ميكونش حاجة كبيرة...
- بعد مدة رجعت لمكتب الدكتور جالسة على الكرسي تفرك في يديها بتوتر حاستو طول بزاف.
-شوية هكذا و دخل عليها وجهو أصفر و ملامحو متتفسرش هاز في يدو الاشعة قعد مقابلها و بعد سكوت طويل دخل الشك في نفسها تكلم و هو متأسف على الشي لي راح يقولو لكن هذي هي مهنة الطب لازم تخبر المريض بحالتو سواء إيجابية أو سلبية: مراحش نكذب يا مدام هند مع الأسف جيتي متأخرة و متأخرة بزاف.
-هزت راسها فيه بذهول طرافها جمدو و شفايفها رعشو: وش..وش..تقصد..بكلامك؟؟؟
-هبط راسو و هو عارف بلي لي راح يقولو راح يدمرها: لقينا عندك ورم سرطاني خبيث استولى على اجزاء من دماغك و مراحش نكذب عليك فرصة نجاتك ضعيفة بزاف...كانت تسمع ليه و مش قادرة تصدق وش قاعد يقول يعني خلاص مبقالهاش بزاف تموت يعني راح تودع هاذ الدنيا محستش بروحها غير و الدنيا دور و دور بيها و في ثانية جات طايحة و مرمية في الأرض.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
