كرونيك#الظل

#الظل_الحلقة 43

الحلقة 43:لهادي من الصدمة لسانو تعقد مقدرش ينطق آخر حاجة توقعها أنو هشام يخطبو في مريم لشافها مرة وحدة كيفاه راح يجاوبو و كيفاه راح يرفض وشمن مبرر عندو يقولو منزوجكش مريم يقولي يخي حتى هي بنتك و كيفها كيف هند كيفاه راح يتصرف مع هاذ المشكل و الأهم كيفاه راح يتصرف مع نصيرة مستحيل تسمح بهاذ الشيء فاش حطيتني يا هشام فاه. بعد سكوت لبرهة تكلم لهادي بصوت متلعثم:بصح مري...مريم مزالها صغيرة على الزواج و أنا مزلت مشبعتش بيها.
-لا مش صغيرة قداه عندها سبعطاش و لا ثمنطاش سنة مش مشكل نستناها عام و لا زوج و نبقاو مخطوبين .
- يا بني خمم مليح أنا نضن هند مناسبة ليك أكثر.
-قال بصوت غاضب بعد ما حس برفض عمو يعني لازم هوما لي يقصو و يفصلو و هو يلبس و يسكت
-الشيء لي عندي قلتو أنا راغب في بنتك مريم أما هند فنقولهالك من لاخر متشرفنيش.
-على هاذ الكلمة دخل وليد لي كان جايب ملف يوقعو باباه لكنو سمع آخر جملة من هشام،دخل كيف الثور الهايج و هجم عليه:يا الرخيس كيفاه تقول على اختي متشرفنيش اختي تسواك و تغلاك أنت و عيلتك.
-وليييييييد تكلم لهادي لكن واحد ماسمعو رجع هشام هجم على وليد:ايه متشرفنيش أختك و حتى انت متشرفنيش كنت راح نوافق على زواجك منها لكن الآن لوكان تعض عينك مراحش تديها.
-ضحك وليد ضحكة طويلة:ههههههههههههههههه و الله يا هشام ظهرت نية أنت لي متتشرفش أني نكون زوج أختك و لا أنا لي منتشرفش بأختك المعيوبة لكانت قبل بساعة هنا تترجى فيا نستر عليها.
- هشام مقدرش يصدق واش سمع و هجم على وليد بضرب خلا وجهو كامل دمومات كل ما يقول عيا يزيد يكمل أنا يا الرخيس يا الطحان تهدر على أختي أنا يا الطحان ليوم نقتلك و نشرب من دمك يا ولد نصيرة.
- لهادي بقا يعيط و يعيط لكن والو حاول يفك لكن مقدرش قدام قوت هشام الجسمانية بعدهم بعد صراع طويل و هنا استغل وليد الفرصة و رما القنبلة في وجه هشام:إذا ماكش مصدقني روح أكشف على عذريتها .
-هشام هنا سكت الدم حبس في وجهو مستحيل اختو دير هكذا مستحيل مش ميساء لتخون ثقتو مش هي مفاق غير على طيحة دار يشوف لقى عمو مرمي على الأرض تقدم منو وليد يجري باه يفيقو أما هو فمقدرش يقعد خرج يجري حاس روحو عاجز مصدوم ثاني صدمة يتلقاها في حياتو لكن هذي أقوى و أعمق ركب في سيارتو و انطلق بسرعة البرق نحو القصر ليوم يا قاتل يا مقتول