الحلقة 94:الدموع قواو أكثر في عينيها و بعدما كانت حابسة شهقاتها مقدرتش و طلقت العنان ليهم أمها لما شافت حالتها قلبها رق و حن في النهاية ما هي إلا أم مهما يغلطو ولادهم إلا أنها تلقى روحها بدون وعي منها مسامحتهم فتحت ذرعيها لبنتها و دموعها يسيلو ويدان ويدان ميساء غير شافت ذرعين أمها مقدرتش تستحمل أكثر طلعت ذرعيها و ضمتها بأقوى ما عندها شهقاتهم تعالاو مجسدين مشهد دراماتيكي يعجز اللسان عن وصفه كانت كيف المجنونة تبوس في أمها من كل جهة و هي مش مصدقة أنو أخيرا حنت عليها أخيرا شافت فيها و رأفت لحالها أخيرا فتحتلها حضنها و خلاتها تستنشق عبير أنفاسها بقاو على ذيك الحال دقائق معدودة بعدها تقدمت من خوها راجية يحن فيها و يسامحها كيف أمها لكن أول ما لمست يدها يدو بعدها بسرعة و دار عاطيها ظهرو باش متشوفش دموعو لي بداو يسيلو إيه بكا بكا على بنتو مش على أختو بكا لأنو راح يفارق نوارة الدار و مهمتو من اليوم خلاصت كانت عندو أمانة و هو ليوم أداها بكا لانو متمناش لحظة الفراق تكون هكذا تكون و هو عاطيها بظهرو كان حابها تخرج و هي رافعة راسها و هو فرحان و فخور بيها كان حابها تخرج تحت جناحو يوصلها لعريسها و يسلمهالو يقولو ختي أمانة عندك و لو نسمع أنك مسيت شعرة منها نقتلك و ندفنك و أنت حي كان يتمنى و كان يتمنى لكن ليس كل ما يتمناه المرء يناله هي خذلاتو و طعناتو غدراتو و ذبحاتو بسكين حافية تكلم بعدما مسح دمعاتو استجمع روحو و لم كلماتو:كنتي غالية و مقامك كان على العين و الراس كنتي راح تخرجي منا كيف الملكة متوجة بتاج العفة و الطهر كنت راح نحملك فوق كتافي و نقول اختي لي ربيت كبرت و صارت عروس لكن انتي حبيتي غير هاذ الشي عملتي لي قالك عليه راسك و مدرتيش حساب لخوك راح تخرجي منا عروس لكن موش كيما تمنيتك دار ليها بعدما ضبط روحو مليح شاف في نص عينيها و كمل هوما زوج كلمات مهما يعمل فيك راجلك يقتلك يذبحك يقطعك رجعة لهاذ الدار أنسايها خرج بسرعة قبل ما يضعف و يحن و يروح يحضنها خرج و خلى وراه انسانة مطعونة مذبوحة تناجي من ربها يقتلها و لا يخليها تعيش هاذ اللحظات تقدمت منها أمها المهدودة مسحتلها دموعها و وقفتها.
Back:
مسحت دمعتها بسرعة قبل ما يشوفوها و يلمحوها الناس لكن شافها الشخص لي واقف قدامها الشخص لي كلما يشوف نظراتها يحس قداش هو رخيس لما جرح مشاعر إنسان عطالو كل شيء لكن هو بادلو بالنكران انسان باع الغالي باع أهلو و ناسو على جالو و هو بادلو الجحود و الخذلان معرفش وين كان مخو و قتها وين كان هل لهذه الدرجة قدر انتقامو يعميه لهاذ الدرجة يقدر الغضب يسود طريق الغضبان و يخليه يحرق كلشي في طريقو كيفاش قدر يقسى على ميساء هاذ الطفلة الرقيقة الحساسة كيفاش قلبو محسش بيها و لا حن عليها قعد يشوف فيها بعينيه لي كلات بنظراتها كل إنش من وجها فتنتها و جمالها أسروه و خلاوه يلوم روحو أكثر كيفاش كان معمي على هاذ الزين كيفاش معشقش هاذ العينين و ما ذابش فهاذ الشفايف هز يدو و لمسلها يدها الرقيقة ضغط عليها بقوة كبيرة مشى بيها ناحية كرسيهم و هو يوعد في نفسو أنو يصلح كلشي هدمو
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
