الحلقة195:كان في بيروه رايح جاي حاس روحو راح يجن و مروان واقف عند راسو يهدي فيه: أقعد اصاحبي من الصباح و أنت رايح جاي...
- راح نهبل يا مروان راح نهبل عمتي صارلها يومين غايبة و أنا مش عارف مكانها و أنت تقولي أهدا كيفاش تحبني نهدا وش يضملني إذا مزالها حيةحية وش يضمنلي أنها مش قاعدة تتعذب و لا تتوجع...
- وش فيدك تعملو و معملتوش المدينة و رجعناها كازيرنة بالباراجات و الشرطة محاصرة مداخلها و مخارجها و نصيرة هانا مراقبينها و مكان حتى دليل بلي خطفتها...
-لا فيدي يا مروان فيدي
- وش ناوي تعمل هدرتك خوفتني؟؟؟؟
-راح نخطف نصيرة و لازمك تعاوني
-بصح هاذ الشي خطير و قادر يتقلب ضدنا و ضد عمتك
-صدقني هذا هو الشي الصحيح هاذ لعباد ميفهموش غير بزوج حوايج يا تهددهم بثروتهم يا تهددهم بروحهم و في اثنين غاليين على قلبهم خاصة الروح.
-و قتاه نخطفوها؟؟؟
-منقدرش نزيد نستنا كثر من هكذا الليلة لازم تكون بين يدينا ...
- في مكان آخر و بالتحديد فالطائرة المتوجهة من مطار زيوريخ لمطار هواري بومدين كان جالس على وحدة من مقاعدها وليد لي قرر يرجع لبلادو و يواجه كل شي خلاص بعدما خسر ميساء مبقاش حاجة تهمو و صار هدفو الوحيد يعرف حقيقة أصلو شكون باباه و كيفاش حتى جا لدنيا بعد ساعات و صلت الطيارة لأرض الوطن ...نزل منها وليد بقلب مليان هموم و عقل مليان مشاكل و جسم هنا لكن الروح عالم بيها ربي كان متمني يرجع و تكون محبوبتو معاه تطمنو و تساندو و تقويه على هاذ المواجهة لكن للقدر ديما كلمة أخرى هي نساتو و قررت تعيش حياتها و هاذ الشي من حقها ميقدرش يلومها على حاجة هو السبب فيها رغم أنو غير يتفكر أنها في حضن واحد غيرو يموت فالدقيقة ألف مرة....
-الدنيا ظلامت و السكون حل و الساعة قاربت الثناش نتاع الليل...يونس قاعد فسيارتو متلثم و لابس قفازات و بجنبو مروان دار ليه و تكلم: كيما وصيتك غير نعطيك إشارة نوض الطومبيل و قرب للباب...خرج من الباب يتلفت يمين و يسار يراقب فالمارة قرب من السور فالجهة الخلفية و تسلقو بخفة و بعدها تقدم بسرعة لغرفة الحارس غافلو و حطلو منوم على نيفو و ماهي إلا ثواني حتى طاح مغشي عليه....دخل لغرفة الكاميرات وين قام بتعطيلهم وراح يجري للكوزينة وين جبد تورنفيس و حل بشوية التاقة ...فتحها بهدوء كبير و دخل لكنو تصدم وقت شاف ضو الصالة مفتوح و نصيرة و لهادي قاعدين يتناقشو بصوت عالي.
-نصيرة بعياط: لا أنت كثرت على ما وصاوك اول بارح و قتلي السلعة داخلة عقبتهالك و قلت معليش و لبارح و ليوم وش كاين ولا قاعدين دخلو فالسلعة بالطرف..
-زير على سنيه كاره منها و من هدرتها لي تتعاود كل يوم: منيش طفل صغير حتى نعطيلك تقرير على دخلاتي و خرجاتي و إذا مش عاجبك الحال و قلقتي من زواجنا ساهل الحال..
-وهوقاعد يسمعلهم و يستنى فيهم يغلطو في كلمة وصلو ميساج من عند مروان يخبرو أنو كاين شخص دخل ذرك للفيلا غير كمل قراية الميساج هز راسو وين شاف نصيرة و لهادي مصدومين و يشوفو لجهة الباب بعدها تكلمت نصيرة بصوت مرجوف و مصدوم: وليييد
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
