كرونيك#الظل

#الظل_الحلقة 107

الحلقة 107:دارت ليه كيف الإعصار و طارت عليه قريب تخنقو:لا لا و الله مليح أنت فسد و خرب الدنيا أنت و بنتك بغباؤكم و أرواح حط اللوم على نصيرة شايفني حابسة و معنديش عقل كيفكم لوكان على الأقل شاورتوني و خذيتو رايي رحتو تخططو و تفصلو وحدكم و ذوكا حلوها لا قدرتو هشام راح يفتح علينا بواب جهنم و فعلتكم عمرو لا ينساها .
-كان يسمع فيهم و هو مدهوش منهم كيفاه قدرو يديرو هاذ الشيء فيه مش مصدق و خصوصا أنها جات من هند كيفاه قدرت تأذي راجلها و ولد عمها بهاذ الطريقة لوكان تسمع ميساء وش راح يجرالها أكيد راح تهبل على خوها أوووف لازم نروح عندو و نحاول نشوف كيفاه نخرجو هز مفاتحو و الفاست نتاعو و جا خارج حبسو صوت لهادي:وين.
-رايح عند هشام نشوف حل للكارثة لي عملتوها .
-أديني معاك هزلو وليد براسو و تم خارج تكلمت وسط دموعها أدوني معاكم.
شاف فيها وليد بغش:نظن آخر واحد حاب يشوفو هو أنتي جا خارج و بعد دار ليهم متقولوش لميساء على الشي لي وقع حتى نجي أنا.
خرجو و خلاو هند منهارة تبكي و تلطم في وجها كيف المجنونة وسط نظرات أمها الغاضبة:تستاهلي باش مرة أخرى متدرقيش على أمك خلي لهادي ينفعك ذوك طلعت لبيتها مخلية بنتها مرمية وسط الصالة تبكي و تناجي في ربي يخرجلها حبيبها من الحبس أنايتها و غرورها عماولها عينيها و خلاو الحقد يعشش في قلبها رفضو ليها سود الدنيا في وجها و خلى عقلها يطالب بالثار لكن فالأخير وش حصدت حصدت غير الخسارة و الذل و إذا كان هشام يكرها مرة فبعد عملتها راح يصير يكرها ألف مرة.
-كان يحكي مع المحامي نتاعو و واحد من رجالو المخلصين لي بعد تحرياتهم عرفو أنو رجال لهادي كان ليهم يد فلي جرا لكن مكانش حتى دليل يدينهم و خدمتهم كانت نظيفة ضغط على يديه بقوة يعني هي الكلبة نتاع هند مسح على وجهو يهدي في روحو و رجع يحكي:و ذوكا كيفاه نديرو.
-منكذبش عليك مسيو هشام لكن قضيتك صعيبة لانو كمية السلعة لي حكموها كبيرة بزاف ملايير داخلة فاللعب راح نديرو جهدنا و نحاولو نوصلو لأي دليل يبرأك.
- غير خرج المحامي دخل وليد و لهادي عندو لكن هو أول ما شافهم طار ليهم راح يخنقهم بدا يسب و يكفر عليهم و ما فكو منهم غير يدين لبوليس قعدوه في مكانو لكن هكذاك و ما قدروش يسكتولو فمو.
-تكلم وليد محاولا باه يهدي الأجواء معلبالناش وش لي في بالك لكن حنا جينا بنية مليحة و حابيين نعاونوك و نلقاو حل.
-ههه ضحكتوني قال نعاونوك قال تقتلو لقتيل و تمشيو في جنازتو خسارة يا عمي خسارة حسبت سند ليا ظهرت أنت أول واحد تاكل في لحمي.
-فاهم الموضوع غالط يا وليدي أنا مستحيل نضرك و نعمل فيك هاذ الشي اصلا قبل ما تتضر أنت راح ننظر أنا قبلك.
-هه أكذب هاذ الكذبة على واحد غيري يا لهادي لعبتك مكشوفة أنت و بنتك كنت نقدر عيلتك غير على خاطرك أنت لكن يظهرلي حتى أنت ما تقلش خبث على الشيطانة مرتك
-وليد بقا يسمعلو و هو مش عارف وش يقول أصلا ما عندو ما يحكي و كل لي قالو هشام صحيح الشي لي عملتو هند و باباه كبير بزاف و ميتغفرش شاف في باباه و أشارلو باش يخرجو لان قعادهم هنا معندو فاه يفيدهم و راح يزيد يوتر الاجواء أكثر ما راهي متوترة.