الحلقة 21:فيروز شهقت على طولها وراحت تجري لبنتها تمنعها من غضب خوها لتحول كيف البركان عيطت على طول صوتها حبسسووووووووو واش بيكم مكانش احترام ليا واش هاذا على آخر عمري وليتو تتضاربو و ترفعو في صواتكم وش نقول للمرحوم باباكم سامحني يا مصطفى معرفتش نربي سامحني ولادك مقدرتش عليهم واش نقول و انت دارت لهشام نسيت وصية باباك نسيت بلي وعدتو بلي تحميها و متحطش يدك عليها و لا انتي يا لالة يالي كبرتي و درتي جنحين و حبيتي طيري هكذا تهدري مع خوك يا خسارة تربيتي فيكم ياخسارة من اليوم أنا لنقرر في هاذ الدار و أنا وحدي لي نرد على عمكم وواحد فيكم مايعارض و لا يقول لا ودوكا طيرو من قدامي منحبش نشوفكم. -طلع لبيتو كيف الثور الهايج لي يلقاها قدامو يكسرها كلو بسبتها هي الأفعى الكبيرة الشيطان حبيتي تلعبي يا لالة نصيرة مالا شوفي اللعب على أوصولو . -أما ميساء فطلعت منهارة لغرفتها أول مرة يمد يدو عليها أول مرة كيفاه عطاه قلبو و ضربها كيفاه أما حتى أنا غالطة عليت صوتي عليه وسوسلها شيطانها لا مكيش غالطة لازم يعرف بلي مكيش صغيرة باه يتحكم فيك أنا قابلة بوليد و هو قابل بيا هو معندو مدخلو تتصرف فيا ماما برك مسحت دمعتها و تبسمت كي سمعت قرار أمها يعني هي لراح تقرر أمر هذا الزواج مش هشام ماما مستحيل تعارض سعادتي و هي تعرفني قداه نعشق وليد مش راح نلقى صعوبة باه نقنعها.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
