كرونيك#الظل

#الظل_الحلقة[19]

الحلقة 19:كان قاعد فالبيرو نتاعو يخدم فالأوراق لي قدامو هز يدو وشاف فالساعة كانت الربعة هز مفاتح الطومبيل في يد و فاليد الاخرى هاز الفاست نتاعو ركب و ساق بأقصى سرعة باتجاه كلية ميساء بقا نص ساعة و هو يستنى حتى يشوف فيها خارجة وحدها تبان حزينة و مهمومة على غير العادة أكيد بسبب موضوع البارح كي شافها قربت خرج و عيطلها:ميساء ميساء-هي سمعت صوتو بصح كذبت وذنيها قالت بالاك راني نحلم برك أكيد و فجأة حست بيد تحطت على كتافها هزت راسها و شافتو هو و الله غير هو يا ربي منيش نحلم *وليد*:عيطتلك و مسمعتنيش ياك لاباس ولا حتى إنتي كيف هشام زعفانة منا *ميساءفي قلبها وش راه يقول هذا كيفاه نزعف منو كيفاه و أنا نظرة منو برك تذوبني تنسيني اسمي و حياتي انا صح زعفانة بصح من هشام مش منهم:لا و علاه نزعف عمي كان حاب يجمع العايلة أكثر بصح كيما شفت هشام مقبلش و حتى أنت ماكش موافق *وليد*:شكون قالك منيش موافق هزت راسها مصدومة:بصح أنت البارح -*وليد*:هدرتي البارح كانت ردة فعل على خوك حطي روحك في مكاني انا في الأصل كنت راح نوافق على موضوع زواجنا بصح خوك فسد كلش - كانت مصدومة في هدرتو كان حاب يتزوج بيا معناها هو ثاني يحبني كيما أنا قاتلو و الفرحة قريب تخرج من عينيها:حاب تزوج بيا معناها انت قاطعها قبل متكمل هدرتها لا مش واش فهمتي حست ميساء بالخجل من روحها و كمل يحكي كيما تعرفيني أنا أي حاجة يطلبها مني بابا منقدرش نعارضو فيها مش خوف منو إنما احتراما ليه مدام شاف بلي هاذ الزواج فيه فايدة للعايلة فأكيد راح نوافقو و زيد انتي بنت عمي نعرف تربيتك و أخلاقك و مراحش نلقى زوجة أفضل منك تبسمت ميساء:يعني مزال حاب نتزوجو *وليد*:أكيد إذا انتي موافقة قاطعاتو ميساء :أنا معنديش مشكل بصح هشام *وليد*:هشام أمرو محلول وقت يشوفنا متمسكين في بعضنا البعض و العايلة كامل موافقة راح يرضخ للأمر الواقع لكن لازم عليك تقنعيه و دافعي على قرارك متخليهش يتحكم فيك و في حياتك. - هدرت وليد كأنها حياتها من جديد بعد ما كانت كيف الميتة من ليلة البارح ضحكت و قالت :راح ندير جهدي باه نقنعو و إذا مقبلش نقولو حياتي و أنا حرة فيها منيش طفلة صغيرة حتى يتحكم فيا. -*وليد*:هكذا نحبك تكوني فحلة و دافعي على روحك . -*ميساء*:أنا دوك لازم نروح ماما راهي تعيط. -*وليد*:خسارة كنت حاب نروحو لكاش بلاصة و نحكيو أكثر أما معليش مزالو ليام ونعوضوها - ميساء كانت قريب دير جنحين و طير من الفرحة حب حياتها معاها و يتمنى في قربها وش راح تزيد أكثر جاوباتو و الفرحة تنطق من عينيها:خلاص مالا غدوة نغيب الساعة الاخيرة و نتلاقاو. -باساتو من خدو و ركبت في الطاكسي أما هو فضحك باستهزاء بعد ما راحت:هههه بهلولة.