الحلقة 70:مشى مراد مع زوج ممرضين لغرفتو لراح يكمل فترة نقاهتو فيها أول ما وصل للباب سمع صراخ نتاع طفل تفاجأ شكون هذا وش بيه يصرخ و يحكي بهستيريا دار للمرضة سألها:شكون هذا وش بيه يعيط هكذا.
-تأففت الممرضة وجاوباتو و هي كارهة من هاذ الطفل و تصرفاتو:هذا تحرقت دارهم ماتو والديه و وهو تشوه من وقت ما فاق من الكومة و عرف بموت والديه و زاد شاف وجهو تأزمت حالتو و أصبح كل يوم يصرخ و يضرب كل شيء قدامو قداه من مرة حاول الإنتحار لكن نحبسوه في آخر لحظة.
-وينهم بقية أهلو سقساها بشفقة على حالتو
-و الله يا حضرة الرائد عيينا نستناو في أهلو يجيو يسقسو عليه و يدوه لكن الظاهر معندو حتى واحد.
-قبل ما يفتح الباب تكلمت الممرضة خوذ حذرك منو راهو عنيف بزاف و يقدر يأذيك.
-أول ما دخل تفاجأ من الشيء لي شافو طفل نصف و جهو مشوه حامل سكين و حاطها عند رقبتو و دموعو سايلين على خدو الممرضة واقفة و تترجى فيه مقدرتش تقرب خافت يأذيها.
-مراد توجه بسرعة نحو هاذ الطفل متناسي جرحو جا يخطفلو السكين من يدو لكن تفاجأ من قوة هاذ الطفل على قد ما حاول ينحيهولو لكن فشل ما لقا قدامو حل غير أنو يركلو ركلة قوية لبطنو خلات توازنو يختل و السكينة لا إراديا تطيح بقا يونس مبهور فيه شكون هذا واش جا يدير هنا أول مرة واحد يدخل غرفتو من غير الأطباء و الممرضات.
-قرب منو قعد على ركبتو و تكلم عيب مش هكذا يتصرفو الأولاد العاقليين .
-صرخ في وجهو أنا مش ولد متقوليش ولد.
-ههه مالا واش إذا أنت مش ولد
-أنا وحش
-على قد ما تصدم بإجابتو على قد ما شفق على حالتو يعني عاف روحو و شكلو لدرجة سما روحو وحش حلف من ذيك اللحظة أنو هاذ الطفل راح يصير تابعو رح يكبرو و يدربو و يخليه راجل تهابو كل الرجال.
-واش اسمك يا وحش
-يونس
-مدلو يدو و قالو تقبل يا يونس أنك تكون صديق ليا.
-شاف فيه لبرهة و بعدها قال بتردد و علاه حاب تصاحبني وش شفت فهاذ الوحش حتى تصاحبو.
-شفت فيه لي ما شفتوش في أقوى الرجال هز يدو و حطها على قلبو داخل هاذ الوحش راجل و راجل راح يخلد إسمو بأحرف من ذهب أعطيني يدك و خلينا نبداو حياة جديدة خلينا نصنعو من ماضيك نقطة قوة و من شكلك نقطة عزيمة و إصرار خلينا نصنعو يونس جديد ما يخاف غير من لي خلقو.
-مد يدو بتردد و صافحو وسط دهشة الممرضات لي أول مرة يشوفوه يتجاوب مع شخص.
-لكن توعدني عمرك تتخلى عليا
-وعد شرف يا يونس و عمرو مراد لا يمد وعد و يخلي بيه.
Back:
-دخل للمكتب قدملو التحية العسكرية و قعد في الكرسي لي مقابلو:المهمة نفذت سيدي لكن الظاهر أنو طريقنا مزالت طويلة جماعتهم كبيرة و كبيرة بزاف و باش نحكمو عليهم لازمنا شوية وقت.
-خوذ وقتك يا يونس أهم شيء الدقة و السرية أنا علابالي أنو مش بالساهل أنو تقبضو عليهم لكن راح يكونو هاذ المعلومات مفتاح دمارهم.و نهنيك على هاذ الخطوة من الآن تقدر ترجع لعملك هنا حتى كملو بقية مخططا.
-أعذرني يا سيادة اللواء خليلي هاذ الأيام نكمل فيهم عملي فالقصر عندي حكاية في راسي حاب نفذها و بعدها راح تلقاني مغروس عندك 24\24 ساعة .
-معليش يا يونس لكن مطولش علينا رانا محتاجينك هنا.
-و قف سلم عليه و بعدها خرج متوجه لبيتو.
أنت تقرأ
كرونيك#الظل
Roman d'amourقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
