كرونيك#الظل

#الظل_الحلقة 147

الحلقة147:حل الصباح و هوما قاعدين يستناو شافت فيه باسف على حالتو و تكلمت: هشام أنا راح نجيب قهوة نجيبلك معايا؟؟؟
-ديري فيا مزية حاس براسي راح يتطرطق .
-هزتلو راسها و هبطت لكافي المستشفى و عقلها موش هنا لازم تروح لدارهم و تواجهم بهاذ الشي مش راح تسكتلهم على لي عملهوه.
-مدتلو القهوة و قعدت بجنبو و ثنيناتهم ساكتين و سارحين فعالمهم..بعد دقايق كسرت هاذ الصمت: راح نظطر نخليك شوية حابة نفهم و علاه عملو هكذا و الا نهبل شافتو سكت و مجاوبهاش تنهدت بحزن و قامت ماشية لكن وقفها صوتو: هاكي مفاتح السيارة متروحيش فالطاكسي هزتلو براسها و قدمت خذاتهم من عندو: كاش جديد خبرني.
-كان فمكتبو واقف يستنى فمكالمة مهمة أمور الشركة هاذ الايام متبشرش بالخير لاول مرة من سنين يمرو بفترة كيف هاذي ثلث شهور كاملة ما ربحو و لا مناقصة إذا بقاو على هاذ الحال الشركة راح تعلن إفلاسها شوي هكذا و صونا بورطابلو: خبرني عرفتو شكون مول الفعلة.
-سيدي راقبنا تسجيل كميرات الشركة و لاحظنا أنو و لا واحد من الموظفين دخل لمكتبك بغير إذنك من غير...
- من غير واش أحكي؟؟؟؟
- من غير بنتك هند لي كانت تجي وقت خروجك للغداء الظاهر أنو عندها نسخة أخرى من المفتاح نتاع مكتب حضرتك.
-أنت متأكد من الشي لي قاعد تقولو؟
-متأكد سيدي و إذا تحب أرواح تاكد بنفسك.
-كوبا عليه و هو مش مصدق يعني بنتو هند سبب هاذ الشي يعني هي لي خانتو و طعناتو في ظهرو صرخ صرخة دوات فكل أرجاء المكتب: لااااااااا ...هاج و دمو فار و بدا يكسر فكل شي موجود قدامو ...جات نصيرة و وليد يجريو ليه بعدما سمعو صريخو.
-دخلو ليه مصدومين في حالتو و حالة المكتب تكلمت نصيرة بحيرة: ممكن تفهمني وش صاير وش هذا الحالة لي راك فيها.
- شاف فيها و تكلم بغش: بنتك يا لالة بنتك ظهرت هي الخاينة هي لي خرجت أسرار المناقصات و كانت تمد فيهم لهشام بنتك قريب تخلينا على الحديدة بصح أنا نوريها ليوم نقتلها و نشرب من دمها.
-يسمعو فيه و هوما مصدومين مش فاهمين حاجة :كيفاه كيفاه؟؟
-وش لي كيفاه قتلك بنتك طعنتنا في الظهر و باعتنا لولد مصطفى.
-كيما طعنتو أنت في ظهرو و شوهت سمعتو قدام الصحافة و خليتو على حافة الافلاس و كيما غدرتو بينا و غدرتو بالمراة المرمية فالسبيطار بسبت الشي لي عملتوه آخر ناس تحكي على الخيانة هي نتوما لانو الخيانة تمشي في دمكم.
-دارو ليها متفاجئين وقتاه جات هاذي؟؟؟؟؟
-قرب منها لهادي جنون الدنيا راكبينو شوية من الشي لي دارتو وشوية من هدرتها دوكا حكمها من شعرها و نزلها للارض أنا يا لكلبة ديري فيا هكذا أنا اه أنا توخيني تخوني باباك لي جابك و رباك على خاطر كلب حاقرك و مش دايرلك قيمة لا و تزيدي من فوق تسبيني أنا و أمك ليوم نقتلك و نشرب من دمك قرب منها يضرب فيها من كل جيهة يحكمها من شعرها يدورو في يدو و يخبطها للحيط...راح ليه وليد يجري باش يفكو لكن مقدرلوش كان كيف الثور الهايج أما نصيرة فبقات غير تتفرج قالت في قلبها تستاهل لكنها مخلوعة من الشي لي قالتو يعني صدقت لكلام لي قالتو ميساء لا يا ربي كارثة. .
-