كرونيك#الظل

#الظل_الحلقة 113

Flash back:                                             الحلقة 113              
كان يتفرج على لمدينة من مكانو المفضل سارح بخيالو و يخمم فلي شاغلة بالو هذي أيام و ليالي قد ما يحاول ينساها و يركز غير في خدمتو لكن ما يقدرش و قلبو يحن و يتذكرها قرات طومبيل وراه عرفها نتاع مروان أصلا متفاهمين باش يتلاقاو هنا.
-غير وصل صافحو و قالو : خبرني بالجديد وين وصلت بلي قتلك عليه.
- و الله يا صاحبي كارثة لهادي زارع روس كبار وسط شركة ولد خوه و هو لا خبر يخدمو كلش على نظيف و ميخليوش حتى أثر لخدمتهم لدرجة اني تعاونت مع خبراء فالمالية باش قدرت نعرف طريقة عملهم.
-الظاهر سي لهادي و الجماعة لي معاه موش شاعلين و اللعب معاهم راح يكون ممتع.
-حتى بنتو و ظهرت موش قليلة الطفلة بدات جيب فسلعة فاسدة بمالها الخاص و متعاونة مع رجال والدها بصح معرفتش واش حابة دير بالضبط زعما توصل بيها الجرأة تضر راجلها .
-توقع منهم كلش هاذ الناس إذا العم و دار هكذا فولد خوه فواش راح يجيك من ولادو،
-بصح مفهمتش حاجة زعما حتى بنتو تعرف بعمايل بوها.
-لا حتى واحد ما يعرف من غيرو هو و نصيرة ،المهم خلي عينك مفتوحة هاذ الايام و راقبلي هند نحب نعرف و قتاه تضرب ضربتها باه نلقيو القبض على هشام.
-هشام!!!!واش ذنبو يخي حنا عارفين بلي خاطي.
-هشام راح يكون الطعم لي يطيحهم فالفخ بعدما يتقبض عليه راح يخافو و يتحرك نشاطهم لأنهم عارفين أن أعين الشرطة و المخابرات راح تصير مصوبة ناحية شركتو لانها أصبحت مشبوهة فيحاولو يلاقو بدائل و ممكن جدا حتى ارصدتهم السرية تغير أماكنها.
-back:
-هشام لي كان مصدوم عمرو لا توقع الخبث و الدناءة نتاع عمو توصل لهاذ الدرجة توصل أنو يطعن ولاد خوه باه يكبر اموالو على حسابهم شاف فيونس و قالو:المطلوب مني؟
-المطلوب ساهل مقابل خروجك راح تتعاون معانا باه نصيدو شبكة المافيا راح تحاول تتغلغل في وسطهم و تعرفلنا كامل أخبارهم و أسرارهم اجتماعتهم و تخطيطهم.
- بصح كيفاه نعرف كل هاذ الشي و أنا عمري لا تعاملت معاهم.
-ميهمكش تعرف الطريقة لمهم تكون معانا و بعدها حنا راح ندلوك كيفاه تتعامل هاه وش قلت تختار حريتك و معاها انتقامك و لا تبقى محبوس و تخليهم يحطمو شركتك و تعب سنينك.
-ضغط على يديه بكل قوة و هو يتفكر فكلشي عملاتولو هاذ العايلة بداية من نصيرة لوليد و أخيرا هند و لهادي عينيه شعلت نار و حلف في سرو أنو يذوقو المر كيفما ذقوهولو من اليوم راح يشوفو هشام آخر لكن هاذ المرة هشام أكثر مكر و خبث دار ليونس و قدملو يدو:موافق من اليوم اعتبروني واحد منكم.
-ابتسم يونس بانتصار كيف لا و هشام يعتبر ورقة مهمة راح يحرق بيها أقوى شبكة تهدد أمن و مصالح البلاد متناسي أنو هاذ الشخص كان راح يكون فيوم من الأيام زوج لمريم و ممكن لحد الآن مزالت كاين مشاعر متبادلة بيناتهم نزع هاذ الشي من بالو لان وقت الخدمة لازم ينحي كل شي شخصي و إلا كلشي يطيحلو فالماء شاف فيه بامتنان مدلو يدو هو الاخر وتبادلو المصافحة.