كرونيك#الظل

#الظل_الحلقة 120

الحلقة 120:كانت راقدة في حضنو بعدما فرغت هم قلبها فالبكى هزها وداها لغرفتو حطها و خلاها في حضنو حتى غلبها النوم بقى يلعب بشعرها و مخو يخمم في ألف حاجة و حاجة لكن يدور يدور و يرجع ليها مالكة فكرو و آسرة كيانو فاق من سرحتو على صوت التيليفون: هز عليه ...جاه الصوت من الجهة الأخرى: سامحني إذا كنت نعيط في وقت غير مناسب لكن وقع لي مشكل كبير و معرفتش كيفاه ندير و نتصرف و ما لقيت غيرك يساعدني.
-أكيد تفضل و إن شاء الله نقدر نساعدك
-ليوم غير خرجت من السجن لقيت كل الصحافة تتكلم عليا و تهاجمني وصفتني بابشع النعوت و صدمتني بتقارير مزيفة على شخصي إسمي طاح فالسوق و كامل المتعاملين ألغاو شراكتهم و أعمالهم معايا.
-شاف في مريم الراقدة في حضنو بعدها بشوية عليه غطاها و خرج حتى ميفيقهاش بصوتو: أممم قتلي غير خرجت لقيت كلشي دار فجأة من صحافة لمتعاملين متظنش أنو هاذ الشي غريب.
-مفهمتش وش تقصد ممكن توضح أكثر ؟؟؟؟؟
-لي نقصدو يا سيد هشام أنو ممكن يكون هذا الشي بفعلة فاعل يعني مستحيل كامل الصحافة تتفاهم في يوم واحد على أنها تنتقد شخص واحد
-لا ما نظنش أنو هاذ الاحتمال كاين كيما تعرف أنا كنت فالحبس و أكيد كامل الأنظار راح توجه ليا.
-دخلو غيرك رجال أعمال للسجن و ثبتت إدانتهم و حكم عليهم بسنين طويلة لكن عمرها لا سلطت عليهم الصحافة الضوء كيما عملو معاك أنت فكر يا هشام و أوزن هاذ الشي في مخك.
-إيه و الحل كيفاه نتصرف؟؟؟؟؟
-ما تعمل حتى شيء حتى نتأكد من الشي لي قلتهولك ساعتها راح تتصرف على أساسه.
-شكرا وسامحني على الازعاج مرة أخرى ....قفل عليه ومخو يدي و يجيب إذا كان الشي لي وقعلو اليوم بفعلة فاعل فغير يترحم على روحو هاذا لي تجرأ و أذاه بصح شكون هو هاذا زعما تكون هند إيه ممكن و مش راح نستغرب منها الخبيثة تقدر دير كلشي جا طالع لغرفتو حتى يشوفها داخلها الوجه أصفر و العينين محوقين : خير ما جابك و لا جيتي تشوفي نتائج الشي لي عملتيه فيا.
-هشام ربي يخليك أسمعني أنا غلطت و علابالي غلطتي كبيرة و متتغفرش لكن حط روحك في مكاني مرة وحدة حط روحك في بلاصة وحدة حبت لا مش حبت وحدة عشقت وحدة من لي خلقت و هي راسمة حياتها مع شخص واحد وحدة رغم غرورها و كبريائها إلا أنها استسلمت و أعلنت حبها ليه بكل صدق لكن هو وش كان ردو كان ردو الصد و بابشع طريقة تخيل أنو الانسان لي عشقتو يقولك لوكان تبقى غير أنت على وجه الارض مراحش نشوف فيك تخيل مدى قسوة الكلمة على قلبك تخيل بعد سنين ترجع تعيد نفس الاهانة و هاذ المرة قدام كامل الناس مخممتش فمشاعر هاذ الشخص مقلتش هاذ العبد مهما كان عندو قلب وراح يتوجع لما يتهان بهاذ الطريقة تخيل أنو يوم عرسكم اليوم لي تحلم فيه كل مراة تسمع أجمل كلمات الغزل من زوجها أنا سمعت ابشع كلمات الاهانة و السخرية كنت مستعدة نسلملك نفسي و ننسى كلشي فات لكن أنت جرحتني و عفست على الجرح برجليك علابالي هاذ الشي مش مبرر لافعالي لكن حبيت نوضحلك أسبابي يمكن جيك تافهة لكن يوم تجرب الحب نأكدلك راح تعذرني.
-كان يسمع فيها و هو محتار أول مرة يعرف أنها هازة كامل هاذ الشي في قلبها كان ديما نظرتو ليها أنها بنت نصيرة المرأة لي يكره البنت المدللة لي تحب كلشي يكون ليها حتى لما اعترفتلو بحبها مخذاش اعترافها على محمل الجد و اعتبرو نزوة من نزواتها لكن اليوم قاعد يشوف في أنثى عانات و قاسات من الحب صحيح هاذ الشي مش راح يغفرلها لي عملاتو لكن خلاتو يراجع نفسو حتى هو غالط حتى هو أذاها لما هانها و جرح كرامتها حتى هو يتحمل جزء من المسؤولية على الشي لي قاعد يجرالو شاف فيها و لاول مرة يتلبك و ميعرفش وش يقولها: ايه ووش المطلوب مني لي عملتي يا هند كبير و باه نسامحك بهاذ السهولة أنساي.
-هند مسحت دموعها بعدما حست ببعض اللين في كلامو: قولي برك قولي وش ندير باه تسامحني و الله لي تطلبو أنا مستعدة نلبيه.
-حس بصدق في كلامها و قال خلي نستغل هاذ الشي لصالحي: أي شيء نطلبو ديره؟؟؟
-و الله أي شيء أنت قول برك و أنا ننفذ