الحلقة 24:الدم جمد فيها لا ياربي نكون نحلم يا ربي ماعنديش غيرها يا ربي متيتمنيش بعد يتمي راهي هي لنكسب فهاذ الدنيا سمعت صوت جداها يناديلها بصوت ثقيل -م..ري...ام مر...يم قربت ليها كيف الملهوف تبوس في وجها و يديها و الدموع يسيلو ويدان متب...كيش يا ق..ل.بي نوص..يك صو..ني ن..فسك ربيتك طاهر..ة وراح تب..قي طاهرة هزت صبعها بصعوبة و شاورتلها على نصيرة رو...حي معا..ها شافت فيها آخر مرة شوفة طويلة تفكرت فيها كل شيء فات مع هاذ الملاك من أول مرة هزتها بين يديها كانت فاحمة بالبكي عند نصيرة مع هزتها هي سكتت كانت ريحتها ريحة مسك تغلغلت لاعماقها هزت لغطا عليها وشافتها خدود مكعبرين حمر عوينات صغار مليانين دموع و فم يتحل و يتقفل يحوس على حليب أمو من ذيك اللحظة قطعت على روحها وعد راح توهب حياتها لهاد الطفلة و ما تفرقهم غير الموت همستلها في وذنها سميتك مريم باه تكوني نقية وطاهرة كيما سيدتنا مريم تفكرت تبسمتلها تبسيمة طويلة نتاع راني راضية عليك كانتلها نعم الام عوضها ربي بمريم تملالها حياتها و هي كانتلها نعم البنت برت بيها لاخر لحظة شهدت حليمة و طلعت روحها لبارئها مخلية عصفور صغير مكسور الجناح راح يصارع الدنيا و ذيابها وحدو.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
