كرونيك#الظل

#الظل_الحلقة 109

الحلقة109:غير دخلت حكمها من ذراعها قفل الباب و حصرها مع الحيط بقا يشوف في عينيها الخضر كيف لحشيش توحشهم و تحوش لونهم و توحش شفارها و قت ترمشهم بزربة من التوتر كيما راهي دير ذوكا و تحوش خدودها وقت يحمارو كيما راهم حمر ذوكا و توحش شفايفها وقت يرجفو و تعض عليهم بسنيها كيما راهي تعمل ذوكا قرب منها أكثر حتى اختلطت أنفاسهم و صار نفس واحد بقى يشوف في كل إنش منها يمتع في عينيه و يروي في شوقو ليها بعدها وعى على روحو و تذكر علاش نادالها زير على ذرعيها أكثر و قالها:تلمي رب ضحكتك و لا ليوم نريبلك هاذ الفم لمي روحك وروحي البسي حاجة واسعة و شعرك نلقى شعرة طايحة على وجهك أحسبي ليوم جنازتك.
- كانت تسمع فيه و في تهديداتو و كملو عليها لي خلاه قربو و ريحة أنفاسو تمو كلامو دقات قلبها زادو فسرعتهم حتى تحس في قلبها قريب يحبس استجمعت كلماتها و قالت بصوت أقرب للهمس:علاه.
- غير سمع كلمة علاه عاود طرحو على مخو علاه علاه يا يونس زعما هذي كامل غيرة مش متحمل حتى واحد يشوفها و ينظرلها بعين إعجاب غيرك اعترف يا يونس اعترف بلي راك غاير و الغيرة راح تقتلك اعترف بلي نهار ضربت ولد الجارة مكانش من أنو تعدى على حرمة دارك قد ماكان غيرة اعترف أنو لما لمست يدها يد مروان تمنيت تقطعهالها و لا تمس يدو اعترف انك لو مكنتش عارف بحبو لسهيلة كنت قتلتو ليوم بطريحة نتاع كلاب خاطر شكرها و شاف فيها بإعجاب بقى مخو يدي و يجيب و ناسي يديه لمزيرين على ذرعيها حتى سمعها تآوهت بألم باه فاق على روحو و طلق منها بعد عليها و راح للعين فتحها و غسل و جهو مرات و مرات حتى حس روحو هدى و خرج مخليها في حيرة من أمرو بعدها تبسمت و حطت يدها على قلبها شبيه هاذا زعمة يكون غاير لا مستحيل الراجل يقول نكرهك و انتي تقولي غاير خرجت تجري للغرفة حتى تغير روبتها و تلم شعرها وسط أنظار سهيلة و مروان الضاحكة لي فهمو قعدتهم فالكوزينة حاجة أخرى.
-رجعت مريم للكوزينة حتى توجدلهم لعشاء و لحقتها سهيلة باش تعاونها و منها تعرف أخبارها
- شافت فيها و ضحكت بمكر أممم نشوف فالروبة تبدلت و الشعر تلم وقيلا سي يونس غيار و ميحبش حتى واحد يخزر في مرتو دارتلها مريم و وجها أحمر بالحشمة قالت بتلعثم لا أنا برك حبيت نبدل مكنتش مرتاحة فيها.
-عليا يا مريم تكذبي على صاحبتك أصلا ما تعرفيش تكذبي يبان على وجهك هيا قوليلي وش راهو مداير فيك سي يونس بصح قوليلي قبل كيفاه حتى تزوجتي بيه هو سكوتي و الكلمة تخرجيها منو بالقطرة.
-بدات مريم تعاودلها من الأول بصح خبات عليها بزاف حوايج أولهم أنو متزوجها على جال إنتقام مش عارفة سبتو .
-الكلبات المسمومات ربي يجيبهالهم إن شاء الله تهنيتي منهم و من قصرهم داير كيف وكر الأشباح إن شاء الله يونس يعوضك على كل شيء.
-لمعو في عينيها الدموع و قالت في سرها كيفاه يعوضني و هو يكرهني و يتمنى موتي كيفاه يعوضني و زواجي منو أساسا باه يعذبني أكثر و أكثر ما حست غير بيد سهيلة تحطت على ذقنها ورفعتلها راسها و باليد الأخرى مسحتلها دمعة هابطة من عينها.
أشش ما تبكيش مريومة هاذ العينين ما تخلقوش باه يبكو قوليلي وش دار فيك يونس و أنا نعتلو و الله غير نوقف في وجهو.
مريم و كأنها لقات أخيرا حضن تبكي عليه جابتها سهيلة لحضنها حاوطتها بذرعيها و خلاتها تطلق العنان لدموعها ...بعد دقايق حست روحها أحسن بعدت من حظنها جات باش توقف وقفتها يد سهيلة مريم أحكيلي أنا اختك قوليلي وش دارلك و أنا نجيبلك حقك :مدارلي والو يا سهيلة أصلا من لي جيت و كل واحد في حدو.
-كيفاه كل واحد في حدو!!!!! متقوليش؟؟؟؟؟.
- شافت فيها مريم فهمتها وش تقصد هبطت راسها بحشمة و قالتلها بصوت خافت إيه.
-ههه و لي يشوف السيد كيفاه غاير يقول هاذا كل يوم يبات عريس و هو مزال مذاقش الحلوة خلاص لا لا نتوما حالتكم صعيبة بزاف و لازمكم حل و انتي كيفاش تحسي؟
-دارت روحها مفهمتهاش كيفاه يعني مفهمتكش؟؟
-أممم عليا يا مريم زعمة مكان حتى حاجة في قلبك ليه.
-هبطت راسها و وجها شعل بالسخانة و معرفتش كيفاش تجاوبها.