الحلقة 22:كان قاعد فوق صخرة كبيرة في مرتفع يطل على كامل لمدينة لابس كلش في الأسود و مهبط كابيش الفاست على وجهو كيما العادة هاز يدخن في سيجارتو بشراهة و كأنو يقولها أحرقي داخلي كيما خارجي محروق يتفكر في حياتو لقديمة هو و أمو و باباه كانو عايلة مليانة سعادة الحب و الإحترام هو أساسها رغم المشاكل لي مرو بيها لكن بقاو متوحدين كانو يتجاوزوها بحبهم ووفائهم لكن كل شيء دمر في ذيك الليلة المشؤومة الليلة لي خسر فيها كل شيء حتى كيانو و شخصيتو فقدهم صارت الحياة مرة مرارة العلقم قلبو وروحو تحرقو قبل مايتحرق وجهو أصبح عبارة عن بقايا إنسان عجز أنو يرمم روحو من جديد عايش باه ياكل و يشرب و يستنى إيه يستنى راح تستغربو واش يستنى فذاك اليوم لي يخرج فيه من الظل ساعتها راح يتواجه الظلان و تكمل لحكاية لي حبست عندها سنين لكن هاذ المرة انا لي راح نكتب الحكاية و نسطر النهاية . -يووووووووووونس ساعة و أنا نعيط أصاحبي ماكش راح تبطل من هاذ الطبع ديما تايه و تخمم لي يشوفك يقول عندك عشر ولاد و ملقيتش واش توكلهم -سكر على ز....ي و هذا وجه نتاع زواج ازوج انت فيها براكة. -لا لايا خويا أنا هكذا مرتاح راني كيف النحلة نبدل من وردة لوردة. -قول من ق...ة لق...ة هيا انطق خير ما جابك -ياخويا قلبك وش كاسح لمهم قالك لمعلم وين وصلت -قولو قريب اطمن. -لمهم أنا نروح لجماعة يستناو فيا عندنا خرجة اخر الليل. -بلغلهم سلامي. -يوصل و الله لخدمة سماطت بلى بيك يا الظل ازرب ارجعلنا توحشناك. -مبقاش بزاف يا مروان و تشوفوني بيناتكم و يرجع الظل يظلمها عليك - يالطيف من هدرتك كيف السم خليت الواحد يندم لي جاك كون بعثتلك جربوعة خير.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
