الحلقة 66:كانت تراقب فيها من أول ما نزلت و خطفت أنظار الكل بجمالها الغيرة تملكتها بعدما ماكانت هي محل جذب الجميع جات هي في دقيقة و أسرت الكل ليها شافت فيه وقت قرب منها و باسها في خدها و بعدها متعرفش وش حكى في وذنها ماحستش بروحها إلا و دمعة حارة نازلة مع خدها مسحتها بسرعة قبل ما تفضحها لملمت شتات نفسها رسمت بسمة خادعة على وجها و توجهت نحوهم تباركلهم.
-في الجهة المقابلة كانت واقفة قدامو جامدة الملامح طول الوقت و هي ساكتة و سكوتها موترو مش متعود على سكوتها و هدوءها مش هذه ميساء ليعرف حتى وقت مد يدو ليها سحبتها بسرعة و كأنو فيه مرض معدي حب يسمعها تحكي حتى و لو ببرود المهم تحكي توحش صوتها توحش ضحكتها توحش كلامها حتى و إن كان تافه و معندوش معنى المهم تحكي و متقتلش هاذ اللحظات بصمتها ضحك على روحو و على أفكارو وينو مديينو مش هاذا لكنت حاب عليه و حاب توصلو مش هاذا لبقيت ليالي تخططلو إيه و مبعد وش استفدت إنتقام؟؟ وش غير فيك هاذ الإنتقام غير أنو خسرك مقامك عند باباك خسرك صاحبك وولد عمك و الأهم خسرك حب ميساء بصح و علاه غاضني حب ميساء لخسرتو علاه كل منفكر أنها مبقاتش تحبني و بدلت حبها بكره نجن من الفكرة ضعت و ضيعتيني معاك يا ميساء يا ترى القدر وش مخبيلنا يا بنت العم.
-عندو يومين و هو يخطط لهاذ اللحظة من وقت سمع بخطبة ولاد الهادي و هو يحظر فرصة كيما هذي متتعوضش و مش كل مرة تسنح الفرصة راح يحضر وزراء و رجال أعمال و برلمانيين و أكيد صفقات كثيرة راح تعقد من تحت الطاولة فهاذ النوع من الناس ميفوتوش مثل هاذ المناسبات باه يقويو نفوذهم و يزيدو من ملياراتهم المكدسة فالبنوك عندو يومين و هو غايب على القصر ينسق مع جماعتو على كيفية إختراقهم و التنصت عليهم و كان أبرز خيار أنهم ينصبو أجهزة تنصت مدسوسين داخل ورود الزينة المحطوطة في الطاولات كانت العملية دقيقة و دقيقة جدا و أي غلطة صغيرة راح يروحو فيها رجع للقصر بعدما طمن على كل شيء من بعيد و الآن حان الوقت أنو يراقب الأوضاع عن قرب أول ما دخل سمع صوت تصفيق عالي على هزة عينو شافها يدها في يدو هاز الخاتم بيد أخرى و دخلهالها بين صباعها الصغار حس برجفة فكامل جسمو كيانو تزلزل من لداخل و دقات قلبو تزادت سرعتها هز يدو جيهة قلبو لعلو يهدى و يسكن لكن والو الغصة لحسها عمرو لحسها معرفش علاه و لا فهم السبب آخر شيء كان يتوقعو أنها تكون هي العروسة لما سمع بلي بنت لهادي هي لي راح تتخطب راح بالو طول عند هند حتى لما خبراتو سهيلة بأمر الخطبة مخلهاش تكمل كلامها و تقولو شكون ضحك بسخرية على روحو ههه وش كنت تتخيل راح تخلي كامل هاذ العز و تعجب بواحد كيفك لا ماضي لا حاضر لا شكل تقدر تقابل بيه الناس لي كيفك يا يونس تخلقو باه يعيشو في الظل و يكملو حياتهم و هوما في الظل.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
