الحلقة 114: كان فغرفتو رايح جاي مصيبة و طاحت على راسو معرفش كيفاه غلط هاذ الغلطة و طاوع هند هاو اليوم جنى على روحو و لي زاد عليه أنو كامل شركاؤو عيطولو و حملوه المسؤولية.
-معليش تحبس و انت رايح جاي دوختني فوق ما أنا دايخة من فعايلك و فعايل بنتك بصح تستاهل هاذا درس ليك باه تعرف قيمة نصيرة خمم ذرك و ألقى الحل كنا في مشكل يونس صرنا في مشكل هشام.
-نصيييرة اسكتي عليا يرحم باباك الهم لي فيا يكفيني و علاه أنا نحسب هاذ الشي يوصل للبوليس الطفلة جاتني و بقات تبكيلي مقدرتش نرفضلها طلبها و زيد أنا قلت المتعامليين إذا لحقتهم السلعة الفاسدة مش راح يشكيو بهشام لانو مصلحتهم فالنص و راح يطالبوه بتعويض برك.
- بصح السلعة تحكمت قبل ما توصل للمتعاملين يعني كاين إن فالموضوع كاين خاين وسط جماعتك و لازم تعرفو.
-لا مستحيل أصلا الرجال لي بعثتهم لهند كلهم موثوقين و مستحيل يخونوني
-إيه و الحل كيفاش أنت عارف بلي هشام إذا خرج عمرو ما راح يسامحنا و راح يلغي كامل شراكتو معانا و ساعتها شوف كيفاش دخل السلعة من جهة أخرى.
-لا مالازمش يلغيها على الاقل حتى نريقلو أمورنا و ننقل كلشي لشركة أخرى.
-إيه و كيفاه راح تخليه يوافق نحلفلك بلي الراجل ذوك قاعد يتحلف فيك و يخطط كيفاه يقضي علينا.
-وش لازم ندير شوري عليا خلينا نخرجو من هاذ المصيبة.
-راح تعيط للصحافة و تحاول تشوه سمعتو أكثر و أكثر ساعتها إسمو راح ينزل فالسوق و المتعامليين راح يهربو منو راح نخليوه يوصل لمرحلة الإفلاس و مايلقاش غيرك تدعمو كعربون اعتذار ساعتها راح يضطر يوافق و مش راح يقدر يخرجك من الشركة.
-زعما تقولي هشام يقبل ولد خويا و نعرفو عندو كرامتو فوق كلش و يفضل الإفلاس على أنو يوطي راسو لينا.
-ههه راح يوافق يا لهادي راح يوافق على خاطر قلبو معمر منا و راح يحاول ينتقم منا و ميقدرش ينفذ إنتقامو و هو مفلس.
-يتسما راكي تقولي نساعدوه باه يقضي علينا نمدولو روسنا و نعطولو السكين و نقولولو هاك اذبحنا.
-ههه و علاه شايفنا مهابل غير يبدا يهز روحو و احنا نريقلو أمورنا نصفيو حساباتنا و نجبدو بيه لبساط .
-كيفاه يعني مفهمتكش.
-كي يلحق وقتها راح تفهم أنت لمهم تبع وش تقولك نصيرة.
-بقاو يتناقشو حتى سمعو عيطة من غرفة وليد راحو يجرو لقاو ميساء دايخة في حضن ولدهم حطها على السرير و راح يجري لهاتفو يعيط للطبيب غير كمل دار ليهم و عينيه تقدح نار و الله لوكان كشما يجرالها و لا لابني عمري لا نسامحك يا بابا لا أنت لا بنتك.
-تكلمت نصيرة و هي تغلي من ولدها: احترم روحك وش دخلهم في طيحة مرتك حتى تتحلف فيهم متحشمش تعادي باباك علاجال مرتك.
-كيفاه وش دخلهم و هوما السبة فلي جرى لخوها الطفلة غير سمعت بيه فالحبس طاحت حابين تهبلوني تقتلو لقتيل و تمشو في جنازتو.
-لهادي خرج مش حامل نظرات ولدو و بقات نصيرة و وليد كل واحد فيهم غايس في عالمو حتى جا الطبيب فحصها و قالهم مش حاجة تخوف لكن لازمها الراحة و تبعد على التوتر
-بعدما خرج الطبيب شافت فيه نصيرة باستهزاء: الحمد لله على سلامت لا برانساس نتاعك .
أنت تقرأ
كرونيك#الظل
Romansaقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
