الحلقة 132:بعد ما ناملو ساعتين من الزمان فاق على ضحك خارج بيتو حك عينيه لبس تريكوه و خرج يكركر في رجليه وصل عندهم لقاهم واقفين فالكوزينة يغسلو فالماعن و عاطيينو بظهر بقا يكيل في مريم بعينيه و يتحسر على الصباح كان قريب يذوق من شهدها بصح سهيلة ديما تفسد عليه حمحم بخشونة حتى يدورو ليه .
- مريم غير شافتو تذكرت الصباح و الكلام لي خرج منها مفهمتش كيفاه خرج منها و معملتلوش حساب زعما وش راه يفكر فيا أكيد راهو يقول ترمي في روحها عليا رغم عارفة أني منحبهاش أه يا ربي وش عملتي يا مريم ذيك التبهديلة .
-ضحك في سرو على وجها لي تبدل لونو و يديها لي قاعدة تفرك فيهم أكيد تفكرت لي وقع قبيل تكلم بصوت خشين : مريم جيبيلي فطوري للصالة و أنتي لسهيلة ألحقيني عندي هدرة معاك.
-وصلت عندو و قعدت: غير الخير متقوليش برك جايبلي خدمة جديدة فقصر آخر أنا و الله حرمت من ذيك الخدمة توحشت بيرويا و الميكرو نتاعي و صحابي فالخدمة.
-المفروض على الشي لي عملتيه نبعثك شهر للصحراء ساعتها راح تترحمي على فضيلة و خدمة القصور.
-امم كثر خيرك يا سيدي كي عملت فيا هاذ المزية قولي وش تحتاج؟؟
-الفوطو نتاع لمراة لي صورتيها لبارح أبعثيهالي.
-اوكي ..بصح قولي شكون هي المراة يا يونس وش حكايتك معاها؟
-مش ذوك يا سهيلة غير نلقاها وعد مني راح نخبرك بكلشي.
-دخلت مريم عندهم حطتلو لفطور و هربت تجري من قدامو مش قادرة تشوف في وجهو من الحشمة...شافت فيه سهيلة و غمزاتو وش درت للطفلة يا مخلوق أحكي.
-مادرتلها والو أصلا انتي وش دخلك حاجة بيني و بين مرتي ملازمش تعرفيها رجعلها الغمزة هز الفاست نتاعو و مفتاحو و خرج.
-بعد ساعة كان عند اللواء مراد...حطلو البورطابل قدامو و قالو: حابك تعرفلي مكانها وين كانت و علاش كانت غايبة طول هاذ السنين و فبركت حكاية موتها؟؟
-و الله باش نلقاوها راح تاخذ شوية وقت لاننا منعرفوش الاسم لي راها تمشي بيه وشمن ولاية كاينة و يمكن أصلا تكون خرجت من لبلاد راح نبداو بحثنا من المستشفى لي كانت فيه و نشوفو .
-سألت فالمستشفى لكن لقيت ملفها مفقود و حتى المدير لي كان في ذاك الوقت باراليزي مقدرت ناخذ منعدو والو.
-مدام ملفها مفقود يعني كاين ناس و ناس واصليين ساعدوها.
-المشكل اني شاك في ناس تكون عندهم صلة بالموضوع لكن منقدرش نتحرك بسبب القضية لي قاعدين نخدمو عليها
-شكون هوما؟؟؟
-لهادي و نصيرة بلمختاري .
-كيفاه عرفت؟
-لانها كانت عندهم يوم خذينالها هاذ الصورة تعرف حاس وراهم سر كبير ..بقا سكات شوي غمض عينيه و بعدها خبط بيدو على راسو : الله ينعلني وين كان مخي وين .
- وش كاين يونس؟؟؟
-تذكرت يوم رحت نجيب الملفات من مكتب لهادي سمعت نصيرة و هي تحكي مع شخص على مراة حابة ترجع و تدي بنتها امراتو باش يمنعها و المشكل تعرف شكون بنتها
-شكون؟؟؟؟
-مريم
-قصدك مريم بنت وفاء يعني تكون بنت...قاطعو و هو داهش إيه إيه يا ربي كيفاش مخممتش فهاد الشي شاف فيه برجاء مراد لازم تعاوني لازم نلقاوها فأقرب وقت لازم نعرف كلش و الا نهبل مخي راح يتحرق من التخمام.
-متخافش وعد من مراد راح نلقاوها و زدت ساعدتني كي تذكرت خاطش حسب كلامك كانت عايشة خارج لبلاد و غير وين رجعت راح نبداو بحثنا من المطارات و الموانئ و نعرفو الاسم لي دخلت بيه للبلاد.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
