كرونيك#الظل

#الظل_الحلقة 34

الحلقة34:أشرقت شمس الصباح معلنة قدوم يوم جديد يوم حافل بالأحداث . -كانو متجمعين على طاولة الفطور ياكلو في هدوء و صمت حتى نطق الهادي و هو يشوف جهة نصيرة ليوم نسحق العايلة كاملة مجموعة مع العصر منحتاج حتى عذر الكل يكون هنا. -تكلمت هند بتهكم:شكون حاب تزوج هاذ المرة. -هند قالها بصوت عالي غاضب آخر مرة تقلي أدبك معايا-سامحني بابا كنت نضحك برك-كمل هدرتو موجها لنصيرة عيطي لابنك و قولو نسحقو يكون مزروع دوك في الشركة و آخر مرة يبات خارج الدار -ابني كبير و يعرف صلاحو و موش طفلة باه تخاف عليه كي ميباتش برا الدار و زيد يخي الشركة و قايم بيها و الطاعة و طايعك و مدايرلك رايك و القرايا و أنت لي خيرتلو واش يقرا و واش يدير حاب حتى من خرجاتو و سهراتو مع صحابو تتحكم فيهم خليك بعيد على بني يا لهادي و خمم في لي جايك غمزاتو و ناضت أما هو حس روحو تخنق حل رخف الكرافات و شرب كاس ماء دفعة و حدة كاش نهار تجلطو هاذ المرأة صريلها كيف العقرب تلدغ لدغتها و تهرب-شافتو هند مقلق قربت ليه :بابا راك مليح نعيط لطبيب يجي يشوفك-لا لا مكان لاه يا بنتي دوك شوية ويروح عليا الوجع قوليلي وقتاه تبداي الخدمة مع هشام؟-ليوم إن شاء الله ديجا لازم نروح راح الحال و ولد خوك ميسامحش فالخدمة هزت ساكها و خرجت. و وهو بقا شوية حتى هدا و مشى للشركة. -في شركة مصطفى بلمختاري للإنشاءات كان في مكتب مدير التسويق و معاه زوج عمال تكلم واحد فيهم:مسيو هشام رانا كملنا و تقدر تشغل الكاميرا وقت متحب-يخي متأكد بلي ميقدروش يكشفوها-من لي بديت هاذ الخدمة قبل عشر سنين عمرو لا جا واحد و شكالي-قدم ليهم و صافحهم و خبرهم يروحو للمحاسبة يديو أجرهم و بعدها خرج بسرعة ملازمش تلقاه هنا.-ناضت من نومها مفزوعة تلفتت قدامها لقات بلاصتو فارغة أكيد راح يخدم شافت ورقة محطوطة فوق المخدة حلت قراتها:سامحيني لكن كنت مضطر نمشي للخدمة و شكرا بزاف على ليلة البارح كانت ليلة متتنساش-هذا مكان هذا وش خسر عليها غير ليلة متتنساش سخرت من روحها وش كنتي تحوسي يقولك نحبك و نعشقك و منقدرش نعيش بلا بيك من الأول صارحك غير بلا متعلقي آمال على هاذ الشيء جات توقف حست بوجيعة قاتلة تحت حزامها تحاملت على روحها و لفت روحها بدرا و دخلت للدوش و كل ما تمرر يدها تتفكر لمساتو و بوساتو طاحت دمعة حارة على خدها خلاص علاقتها من اليوم دمرت مع عايلتها.