التحضيرات على قدم و ساق الكل مستنفر الكل يوجد في روحو كيف لا و ليوم جي لالة لبنات كيما يعطلها باباها مسيو الهادي بلمختاري وشكون لميسمعش بهاد الاسم فالبلاد إسمو عند وزنو بين أذرع السلطة و رجال المال و الأعمال راجل يهابو الكبير و الصغير كلمتو مسموعة في كل مكان جات ليه مدام نصيرة حرمو المصون مرة فالخمسينات من سنها لكن ميبانش عليها و كيف يبان عليها و هي عايشة في وسط هاذ العز كامل قربت لمسيو الهادي تعدلو فالكرافات والضحكة راح تخرج من عينيها أكيد تضحك و اليوم جي دلولتها من ألمانيا بعدما كملت قرايتها ثماك جا الوقت لي تحقق فيه واش راها متمنية نطقت بفرحة:راك فرحان سي الهادي ليوم تروحلك نوارة الدار و إن شاء الله لعشية دير وش طلبت منك متنساش راك وعدتني يا تقول أنت يا نقول أنا منقدرش نزيد نصبر .نفض الهادي يدو منها و نهرها بغضب أخر مرة ترفعي صوتك عليا مش راح تعرفي صلاحي خيرمني نقولهالك و نعاودها يا نصيرة أمور الخدمة و أمور ولادي خط أحمر أنا وحدي لي نقرر و نفذ .خرج و خلاها تاكل في روحها ماكلة صار هكذا يا سي الهادي بعد ما ربيت و كبرت تقولي مدخليش روحك لوكان منديرش لي راه في بالي منسماش نصيرة
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
