كرونيك#الظل

#الظل_الحلقة 44

الحلقة 44:قارا طومبيلو ونزل يجري منها دخل لوسط الفيلا صرخ صرخة خلات صداها فكامل الأرجاء:ميسااااااااااااااااااااااااء .
- كانت هي فغرفتها تبكي بأعلى صوتها ليوم دمرت كل أحلامها خاب ضنها في حبيبها ذبحها بسكينة حافية و مرحمهاش في وسط أفكارها سمعت صوت هشام يناديها بأعلى قوتو ترعبت و الدم جمد في ركايبها لا يا ربي مستحيل مستحيل يكون عرف طلعت يديها لوجها و بدات تلطم و تخبش فيه دخلت في هستيريا نتاع بكا و هنا دخل هشام و موراه فيروز لمش فاهمة حتى حاجة شافها فالحالة هذيك الكحل سايح من عينيها مخلط بدموعهاو جها مجروح و دمو سايل شعرها مطلوق و لاصقين خصلاتو في وجها هنا الشك أصبح يقين و عرف بلي لحكاه وليد صحيح تقدم ليها كيف الثور و هي من الصدمة جمدت ملقات مدير حط يدو على شعرها و كركرها منو فيروز راحت تجري تبعدو لكن لا حياة لمن تنادي ليوم قرر يا يقتلها يا يقتلها بعد أمو بيدو لدرجة طاحت فالأرض على ظهرها كمل يجر فأختو يكركر فيها مع الدروج ذاتها فشلت و لات مش حاسة بأي حاجة عرفت بلي نهايتها وصلت عرفت بلي ميساء من بعد هاذ اللحظة رح تصير مجرد ذكرى وسخة وصمة عار في جبين العايلة استسلمت لقدرها و خلات مصيرها بيد خوها خلي يطفي نارو فيها خلي تستاهل تستاهل هاذ الشيء هي لجابتو لروحها هي لذبحت روحها قبل ما يذبحها هشام خلي تموت تتهنا و يتهناو لانها بعد اليوم متقدرش تعيش متقدرش تكون وسط الناس و هي موسومة بالعار مسخة عاهرة
-وصل بيها لوسط الفيلا و بدا يضرب فيها من كل جيهة و بكل قوتو إذا تعبو يديه يكمل يركلها برجليه:أنا يا الق...ة أنا ديريني شماتة وسط الرجال أنا لطول عمري نمشي و راسي مرفوع جي عاهرة كيفك توطيهولي أنا لكنت نقول اختي منزوجها غير بسيد الرجال و منخليها تكون في دارو إلا و كرامتها محفوظة كنت نقول اختي جوهرة ومش أي واحد ينولها بالساهل أختي عزيزة و ميديها غير العزيز كانت أمنا تقول أرخف عليها ياولدي خليها تعيش شوي متزيرش عليها زير على سنانو وعينيه غرغرو تعرفي وش كنت نقولها كنت نقولها حاب نخرجها مرأة و مرأة بألف راجل متغرهاش الدنيا و متخلعهاش المظاهر مرأة تصون نفسها و تصون عايلتها حاب نرفع راسي بيها حاب نهار تزوج نروح عند قبر بابا و نقولو الأمانة لوصيتني عليها راني صنتها يا بابا أرقد و أنت هاني غبت أنت بصح خليت وراك راجل عيط بأعلى صوتو دوك وش نقولو نقولو بنتك يا بابا لوصيتني عليها ولات كيفها كيف بنات الدومان على الأقل هذوك يخدمو باه يسدو جوعهم بنتك وش عذرها وش عذرها و هي سلمت روحها لولد عمها الطحان و هي فرحانة و راضية بهاذ الشيء.
-سمعو شهقة من وراهم كانت فيروز مصدومة من واش سمعت يعني ميساء دارت هاذ الشيء يعني خانت ثقتها وسلمت روحها لولد عمها الطفلة لرباتها كبرت و تمردت و طيحت راسها فالتراب نطقت بصوت مقهور:متضربهاش يا وليدي متوسخش يدك بيها هي تستاهل الموت لكن أنت خمم في روحك مزلت صغير و جاي لدنيا متضيعش حياتك فالحباس على جال رخيسة.
-هدرتهم كانت كيف السكينة ذبحتها و خلاتها تناجي موتها عندهم الحق أنا رخيسة نستاهل الموت لكن هو ما يستاهلش يضيع روحو في جالي.
-رخف من يدو عليها شاف فيها بغضب و تكلم راح نخليك تعيشي لكن من اليوم أنساي واحد إسمو هشام الروابط لي كانت بينا ليوم تقطعو من اليوم لا أنا خوك و لا أنتي أختي .
-خرج هشام من الفيلا و هو هايم مش عارف وين يروح لوكان يزيد يبقا دقيقة هنا علابالو ميقدرش يصبر و يقتلها ركب سيارتو و مشى مخلي وراه زوج قلوب محطمة الأولى حاسة بالعار حاسة بالدمار حاسة بلي مبقاش عندها حاجة تعيش على جالها كلمت خوها الأخيرة كانت كيف الرصاصة لقتلت كل شيء بقى حي أما القلب الثاني حاس بالخسارة خسارة السنين لتعبت و ربات فيهم جات هي دمرتهم في لحظة استهتار شافت فيها من فوق لتحت و قاتلها:كيما قالك هشام أنساي أي رابط بينكم حتى أنا نقولك أنساي بلي كانت عندك أم من اليوم أنت كيفك كيف أي كرسي فهاذ الدار