الحلقة 63:فاقت اليوم متأخرة أصلا مرقدتش غير مع طلوع الفجر بعد الشيء لي وقع البارح حاسة براسها راح يطرطق بالوجع هبطت لتحت للكوزينة تشوف كاش حاجة تحبسلها لوجع دخلت لقاتها فارغة وقت جات تفتح الثلاجة سمعت صوت فضيلة تحكي مع شخص آخر خارج المطبخ طلت من التاقة تروي فضولها شافتها واقفة مع شاب في العشرينات من عمرو و وهو يعيط عليها.
-ميهمنيش فيك قتلك أعطيني ليوم الدراهم و لا ندير كاش حاجة فالدار.
-عييت منك عييت وصلت بيك تلحقني لخدمتي حابهم يخرجوني من الخدمة و نقعدو أنا وياك شادين الحيوط و نتفرجو في بعضانا.
-أعطيني الدراهم دوك متزيديش تشوفي وجهي هنا هيا ازربي علابالي بلي عندك جبدت من جيبها 300ألف و طيشتهملو على وجهو هاك دراهمي كامل راحو فالسم لتشرب فيه.
-هز الدراهم فرحان بيهم و قرب باسها من خدها و وهو يضحك الله لا يحرمني منك يا ميمتي.
-طير برك من وجهي قبل ميشوفوك .
-راحت تجري لغرفة أمها بعد الشيء لسمعاتو حست بلي لقات الشيء لراح تفسد بيه فرحة هشام و مريم.
-دقت على غرفة والدتها و دخلت بعدما أذنتلها.
- قربت منها باستها و بعدها قالت علابالي راكي زعفانة مني بعد الشيء لعملتو لبارح .
-لا مش زعفانة على قد ما متحيرة عليك كنت نتمنى تحكيلي على مشاعرك وش تحبي و وش تكرهي هكذا باه نقدر نعاونك لكن الصراحة انتي لبارح فاجأتيني بهدرتك.
-لا يا ماما مديري والو فبالك أصلا هشام من يوم معترفتلو و هاني تحول كامل حبي ليه لكره ما نحمل ليه الآن غير الكره و الحقد على هذي حابة ندمرو هو و ذيك اللقيطة نتاع مريم.
-أمم ندير روحي صدقتك متخافيش راح نتعاونو و نحبسو هاذ الزواج و نكدوها عليهم لكني لحد الآن ملقيتش الخطة المناسبة.
-و لوكان نقولك أني لقيتها وش تقوليلي؟؟
-ليقيتيها!!!واش هي خبريني.
-عيطي لفضيلة و راح تفهمي
-عيطت نصيرة لفضيلة و خبرتها تطلع عندها .
-غير طلعت فضيلة عندها بدات تحكيلها هند على خطتها نصيرة حطت يدها على خدها و بقات تسمع لبنتها بإعجاب أما فضيلة فالضحكة و ساعت وقت سمعت بالهدية لراح تديها.
-يادرا واش هي الخطة لراح ينفذوها و هل راح تنجحلهم أم لا نخليو الأيام تكشفها.
أنت تقرأ
كرونيك#الظل
عاطفيةقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
