نمشيو لبلاصة مش بعيدة بزاف من قصر بلمختاري نلقاو قصر أخر لا يقل جمال عليه قاعدة فوسط الفيلا مولاتو مرة في الخمسينات من ملامحها تعرفها بلي بنت عز أبا عن جد باقية محافظة على جمالها و أناقتها رغم تقدمها فالعمر مقابلتها بنتها طفلة فأوائل العشرينات اخذت من جمال أمها الكثير يبدو عليها الحيوية و المرح هي من طبعها ضحوكية و لي في قلبها على لسانها كانت لابسة و متأنقة و كل مرة تشوف في ساعتها نطقت بملل أووووف ماما ولدك طول بزاف تكون هند وصلت و احنا مزلنا هنا قاتلها فيروز بكل غضب:ميساء شحال من مرة نقولك خوك عندو إسمو متقوليلوش ولدك راهو في مقام باباك ماجات ميساء تتكلم حتى شافوه واقف قدامهم بكل هيبة راجل بكل ماتحمله الرجولة من معنى قدر يتحمل مسؤولية أمو و أختو على صغر سنو بعد مامات باباه و خلالو ثروة طائلة قدر يحافظ عليها و يزيد يكبرها تكلمت امو بتوتر خافت ليكون سمع نقاشها مع ميساء هي تعرفو كيفاه يتقلق من اختو صارم بزاف معاها لدرجة متقدرش تهز عينها فيه ميساء مفسرة صرامة خوها على انها احتقار لشخصيتها و ذاتها أما هو فيعتبرها حماية ليها هي أمانة واجب عليه يحافظ عليها حتى يسلمها للراجل لي يستاهلها قالت فيروز بصوت متوتر:جيت هشام كنا نستناو فيك باه توصلنا لدار عمك مدايرين عشاء بمناسبة رجوع هند من المانيا تكلم هشام بصوت مستاء: نوصلكم برك و نروح مكان لاه تقوليلي ندخل تعرفيني منحملهمش خصوصا السوسة نتاع نصيرة جاوباتو فيروز:عيب تحكي على مرت عمك هكذا راهي كبيرة و في مقام أمك *هشام*:عند أم وحدة و هي انتي أما هذيك السوسة يخي من بكري تعرفيني نكرها مش من ليوم برك *فيروز*:معليش برك يا وليدي على وجهي ادخل هاذ المرة عمك من الصباح و هو يعيط و يعاود قال كاين مسألة مهمة حاب نحكيو عليها اليوم*هشام*:اوكي أما هاذ المرة برك *فيروز*:ربي يحفظك ليا يا سيد الرجال *هشام*ندير دوش خفيف و نجي نلقاكم واجدين تكلمت ميساء بكل فرحة:رانا واجدين من الصباح و احنا واجدين نستناو فيك عطاها هشام خزرة نتاع متعوديهاش و طلع لبيتو *فيروز*:عييت نفهم هاذ المخ لعندك وش فيه.
أنت تقرأ
كرونيك#الظل
Romanceقصة رومنسية درامية إجتماعية تجمع في طياتها الكثير من المشاعر المتناقضة و الأحداث المشوقة من حقد و كره و إنتقام🖤🖤🖤🖤و من عشق و غرام و هوس ❤❤❤معاناة و تضحية 😢😢😢حب من طرف واحد💔💔💔و الكثير الكثير من المفاجآت 💣💣💣💣💣💣💥💥💥💥💥💥💥🔞🔞🔞
