كرونيك#الظل

#الظل_الحلقة 123

الحلقة123:أنتي واش جابك عندي بعد هاذ السنين؟؟؟
-جيت ندي بنتي يا نصيرة وينهي بنتي؟؟؟
-هههههه و الله مزلتي نية و بهلولة كيف ديما يعني بعد كامل هاذ السنين باش تفكرتي بنتك مش أنتي لي تخليتي عليها بإرادتك مش أنتي لي نكرتيها و قلتي ما نحتاجهاش في حياتي موش أنتي لي قلتي أقتليها و لا احرقيها ميهمنيش المهم منشوفش وجها جاية بعد كامل هاذ الوقت و بكل صحة وجه تقولي حابة بنتي.
-غمضت عينيها و الدموع بداو يطيحو إيه هي ما تنكرش هاذ الشيء هي قالت هكذا هي تخلات عليها هي نكرتها بصح موش بيدها و الله ماهو بيدها هاذ الشي أقوى منها شافت فنصيرة برجاء دليني عليها يا نصيرة على وجه ربي برديلي قلبي و خليني نشوفها نبوسلك يدك نديرلك وش تحبي مستعدة نكون خدامة عندك المهم نشوفها.
-و كي تشوفيها تحسبيها راح تسامحك و تاخذك فحضنها شكون راح تسامح أم تخلات على كبدتها و هي طرف لحمة نصيحة مني ليك يا وفاء أرجعي منين جيتي ولي للبلاد لي كنتي فيها و أنساي حكاية بنتك.
-مسحت دموعها و شافت فيها بتحدي و تكلمت بكل قوة: ما كان ما دخلك اعطيني عنوان بنتي و الباقي ما يهمكش تسامحني و لا ما تسامحنيش هاذ الشي يخصنا أحنا الاثنين.
-بنتك مش عندي و معلاباليش وين راهي روحي سقسي واحد آخر .
-تكذبي بنتي عندك قولي وين درتيها و لا نخبر عليك البوليس.
-هههه تخبري البوليس وش تقوليلهم و الله بنتي رميتها كيما ولدتها و بعد 18 سنة رجعت نحوس عليها و هاذ المراة محبتش دلني عليها نظن مرضك مازال مأثر عليك ننصحك ارجعي داوي.
-يعني؟؟؟؟
-يعني ماراح تدي والو من عندي و روحي حوسي على بنتك في مكان خلاف و دوكا سامحيني عندي بزاف شغالات نديرهم و انتي عطلتيني و ياريت تكون هاذ الزيارة هي آخر زيارة ليك عندي.
-هزت ساكها و ناضت ماشية منوعدكش يا نصيرة تكون آخر زيارة و إلا راح نظطر نفضح الماضي و ساعتها انتي أول وحدة راح تنظر خرجت و خلاتها تاكل في روحها كارثة و طاحت فوق راسها.
-كان راجع بسيارتو للقصر حتى لمح مراة خارجة من ثم و تبكي دقق في ملامحها مليح و هنا كانتلو الصدمة لا مستحيل تكون هي مستحيل و قيل هبلت يا لهادي هبلت و لازم داوي أمر السايق يوقف السيارة بسرعة غير حبس راح يجري ليها: وفاء...وفاء
-عند وفاء كانت في عالم آخر دموعها على خدها و تفكر في بنتها كيفاه راح تلقاها كيفاه و نصيرة غلقت كلشي في وجها فجاة سمعت واحد ينادي باسمها دارت و هنا كانتلها الصدمة آخر شخص تتمنى تشوفو في حياتها كابوسها و شيطانها الاسود واقف قدامها لا يا ربي نكون نحلم يا رب نكون نتخيل تكلم بصوتو مبحوح من الفرحة: وفاء هاذي انتي قولي مزلتي عايشة مزلتي عايشة و أنا لي نحسب موتي و خليتيني و أنا لي كل ليلة نبات نحلم بيك و أنا لي نقول يا ريتها عاشت و الله نخليها تكون ملكة و الله لي تطلبو يحضرلها جا راح يحضنها بعدت عليه بهلع و بدات تعيط بهستيريا بعد عليا بعد ما تمسنيش ما تمسنيش طاحت في الارض حكمت راسها و بدات تبكي و تهترف أنت شيطان أنت شيطان متمسنيش متمسنيش طابس عندها و دموعو على خدو: وفاء الله يخليك اسمعيني جا باش يمسها دفعاتو بيدها حتى طاح و هربت تجري و من حسن حظها كانت طاكسي فايتة حبستها بزربة و ركبت و هي تلهث