ပြိုင်ဘက်ကင်းဆေးနတ်ဘုရား

Chapter 4

ပြိုင်ဘက်ကင်းဆေးနတ်ဘုရား

ဘာသာပြန်သူ -ဖြိုးသူဝင်း

Chapter -4

ဆေးအကူ ကို အချက်ပြပြီး ရပ်ခိုင်းသောသူကား ဘေး၌ ရှိနေသော ယီယွမ်ပင်ဖြစ်သည်။

ယီယွမ်၏ တားဆီးမှုကို ကြားရပြီးနောက် ဆေးအကူ သည် ရပ်တန့်သွားခဲ့သည်။အဘယ်ကြောင့်ဆိုသော် ယီယွမ်သည် သင်းရနံ့ ဆေးဂေဟာ၏ သခင်လေးဖြစ်ပြီး ဆိုးသွမ်းသော ဂုဏ်သတင်းရှိနေခြင်းကြောင့်ပင် သခင်လေး၏ အမိန့်ကို လွန်ဆန်ရဲခြင်းမရှိပေ။

"အန်ကယ်ချင်.....ဆေးညွှန်းမှားနေတယ်.....ဆေးညွှန်းအမှားက အဲ့လူကိုသေစေလိမ့်မယ်....."ယီယွမ်က တိုးတိုးလေး ပြောခဲ့၏။

ယီယွမ်(ယခင်ခန္ဓာကိုယ်ပိုင်ရှင်)က အသုံးမဝင်သော သူဖြစ်ပြီး လူများ၏ အမြင်၌ ယခုလဲ အတူတူပင်ဖြစ်သည်။
ယီယွမ်က သူနဲ့တစ်​လှေတည်းစီးတစ်​ခရီးတည်းသွား ဖြစ်​၍ သူနဲ့အတူပါလာသောသူ၏ ဂုဏ်သိက္ခာ ကို ထိန်းသိမ်း​ပေးရပေမည်။ထို့ကြောင့် သူသည် အလွန်တိုးသော အသံဖြင့် တိုးတိုးလေးပြောခဲ့ခြင်းဖြစ်သည်။

ထိုကြီးမြတ်သော မာစတာကား ချင်မြောင်ဖြစ်သည်။ယီမိသားစုတွင်နှစ်ပေါင်းများစွာ နေထိုင်ပြီးနောက် သူ၏ အရည်အချင်း များစွာတိုးတက်လာပြီး ပို၍ လေးစားစရာကောင်းသော အဆင့်သို့ရောက်ရှိလာခဲ့ပေသည်။သို့သော်လည်း မှော်ဆေးပညာ တာအိုတွင် ယီဟန်၏ နားလည်မှုနှင့်စာလျှင် နိမ့်ကျနေသေးသည့်အပြင်သူသည် အလွန်အစွမ်းထက်သောသူမဟုတ်ခဲ့ပေ။ဂျူနီယာ၏ ဦးနှောက်မရှိသောစကားများကိုနားထောင်ပြီးနောက် သူ၏ မျက်နှာအနေအထား ပြောင်းလဲသွားခဲ့သည်။

"ဒီမှာ ယွမ်​လေး.. မင်းဘာ​တွေအဓိပ္ပါယ်​မရှိ​လျှောက်​ပြော​နေတာလဲ.. မင်းဟာမင်း​နေ့တိုင်းလုပ်​ချင်​တာလုပ်​နေ.. မင်းအ​ဖေ​ချွေးနဲ့​သွေးနဲ့ရင်းပြီးတည်​ထောင်​ထားတဲ့ လုပ်​ငန်းကို​တော့ မဖျက်​စီးချင်​စမ်းပါနဲ.. အဲ့လိုဆိုလို့က​တော့​ဟောဒီက မင်းဘဘချင်​က မင်းကိုအလွတ်​မ​ပေးမဲ့ ပထမဆုံးသူပဲ.....မင်းသိထားရမှာက သင်းရနံ့ ဆေးဂေဟာ အောင်မြင်နေရခြင်းက မိသားစုခေါင်းဆောင်တစ်ယောက်တည်းကြောင့် မဟုတ်ဘဲ ဘဘတို့ကပါ လုံ့လစိုက်အားထုတ်နေလို့ပဲ.....ကောင်းပြီ အိမ်ပြန်တော့...ဆေးကုသဖို့ စောင့်နေတဲ့ လူနာတွေအများကြီးကျန်သေးတယ်....."