ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
စာစဉ်(8)
Chapter-91
“ပါးစပ်ပိတ်ထားစမ်း...အဆင့်(6)ချီစွမ်းအင်အဆင့် ငချွတ်ကလေးက ငါ့ရှေ့မှာ စွမ်းအားကြီးသူတစ်ယောက်လို ပြောဆိုရဲတယ်ပေါ့...ဟာသပဲ…..”
လင်ထန်းချန်က ယီယွမ်၏ စကားများကို ပယ်ချလိုက်သည်။
“ ဒါဆိုရင် မင်းက ဘာလို့ ကြောက်ရွံ့ နေတာလဲ...မြန်မြန်လာပြီး ငါလို အဆင့်(6)ချီစွမ်းအင်အဆင့် ကို သတ်လိုက်လေ…..” ယီယွမ်၏ စကားများတွင် လှောင်ပြောင်မှုများ ပြည့်နှက်နေခဲ့၏။
“ ဟမ့်...မင်းက ဒီလိုတိုက်တွန်းလိုက်တာနဲ့ ငါက မလုပ်ရဲဘူး ထင်နေတာလား...ကောင်းပြီ...ဒီနေ့ မင်းက ဆန္ဒရှိနေရင် စစ်မှန်တဲ့ ပါရမီရှင်ဆိုတာဘာလဲ မင်းသိစေဖို့ လုပ်ဆောင်ပြမယ်…..”
စကားအဆုံးတွင် လင်ထန်းချန်၏ စိတ်ဝိညာဉ်ဖွဲ့စည်းခြင်းနယ်ပယ် တစ်ပိုင်း အဆင့် အော်ရာများ ထွက်ပေါ်လာကာ ယီယွမ်ဆီသို့ တိုက်ခိုက်လိုက်သည်။
လင်ထန်းချန်က နုံအခြင်းမရှိပေ။သူ၏ အကြီးမားဆုံး အကျိုးကျေးဇူး မှာ ကျင့်စဉ်အဆင့်ဖြစ်၍ ထိုအရာကို အကောင်းမွန်ဆုံး အသုံးချရန် ကြိုးစားလိုက်၏။
စိတ်ဝိညာဉ်ဖွဲ့စည်းခြင်းနယ်ပယ် အဆင့်တစ်ယောက်က ချီစွမ်းအင်နယ်ပယ်တစ်ယောက်ကို သူ၏ ကျင့်စဉ်ဖိအား တစ်ခုတည်းဖြင့် နှေးကွေးစေပြီး မလှုပ်မရှားနိုင်အောင် ဖြစ်သွားစေနိုင်၏။ သူ၏ စိတ်ဝိညာဉ်ဖွဲ့စည်းခြင်းနယ်ပယ်တစ်ပိုင်းအဆင့် က စိတ်ဝိညာဉ်ဖွဲ့စည်းခြင်းနယ်ပယ်တစ်ယောက်၏ ဖိအားအစစ်အမှန်ကို ဖော်ထုတ်နိုင်ခြင်းမရှိသေးသော်လည်း စွမ်းအင်ကြီးမားစွာ ပါဝင်နေသည်။
စိတ်ဝိညာဉ်ဖွဲ့စည်းခြင်းနယ်ပယ်တွင် ဒန်တျန်အတွင်းမှ ကိုယ်တွင်းစွမ်းအင်များကို သူ၏ အကန့်အသတ်အထိ ဖိနှိပ်လိုက်ပြီး စုဆောင်းထားသောချီစွမ်းအင်များကို အရည်ဖြစ်သွားစေကာ ခန္ဓာကိုယ်၏ကိုယ်တွင်းစွမ်းအင်များကို တစ်ပြိုင်တည်း တိုးတက်စေခြင်းဖြစ်၏။
YOU ARE READING
ပြိုင်ဘက်ကင်းဆေးနတ်ဘုရား
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...
