ပြိုင်ဘက်ကင်းဆေးနတ်ဘုရား

Chapter 96

ပြိုင်ဘက်ကင်းဆေးနတ်ဘုရား

ဘာသာပြန်သူ-ဖြိုးသူဝင်း

စာစဉ်(9)

Chapter-96

သူက သွေးတစ်ပွက် အန်ထားသော်လည်း ယီယွမ်၏ အော်ရာအရှိန်အဝါ များက ဆက်လက် မြင့်တက်နေခဲ့သည်။

လားရာဆယ်ခုလျှပ်စီး ပညာရပ်၏ ပြင်းအားကို အဋ္ဌမအလွှာက ပယ်ဖျက်ပေးသွားခဲ့၍ ယီယွမ်၏ ဒဏ်ရာများမှာ အလွန်ပြင်းထန်ခြင်းမရှိပေ။

လူတိုင်း၏ အံ့အားသင့်နေသော မျက်ဝန်းများအောက်တွင် ယီယွမ် ၏ ကျင့်စဉ်အဆင့်က အဆင့်(7)ချီစွမ်းအင်အဆင့် သို့ အသာအယာ တက်ရောက်သွားခဲ့၏။

အဆင့်(7)ချီစွမ်းအင်အဆင့် သို့ တက်ရောက်သွားခြင်းမှာ ချီစွမ်းအင်နယ်ပယ် ၏ နောက်ဆုံး သာမန် အဆင့် ကို ရောက်ရှိသွားခြင်း ဖြစ်သည်။

သို့ရာတွင် ယီယွမ်ကြောင့် လူအများ အံ့အားသင့်မှုက ရပ်တန့်သွားခြင်း မရှိတော့ပေ။

အဆင့်(7)ချီစွမ်းအင်အဆင့် သို့ ရောက်ရှိသွားသော်လည်း ယီယွမ် ၏ အော်ရာများက အားနည်းသွားခြင်း မရှိသေးပေ။ သူက အဆင့်(7)ချီစွမ်းအင်အထွတ်အထိပ်အဆင့် ကို ဆက်လက်တက်ရောက်ရန် ပြင်ဆင်လိုက်၏။

အသက်တစ်ခါရှူ ချိန်အတွင်း ယီယွမ် က အဆင့်(7)ချီစွမ်းအင်အထွတ်အထိပ်အဆင့် သို့ ရောက်ရှိသွားခဲ့သည်။

ထို့နောက် သူက အဆင့်(8)ချီစွမ်းအင်အဆင့် အစောပိုင်းအခြေအနေကို ရောက်ရှိသွား၏။

ထို့နောက် ယီယွမ် ၏ အော်ရာများက တဖြည်းဖြည်း တည်ငြိမ်သွားခဲ့ပြီး အဆင့်(8)ချီစွမ်းအင်အဆင့် ၌ ရပ်တန့်သွားခဲ့သည်။

“ဘုရားရေ...ယီယွမ်သောက်လိုက်တဲ့ဆေးက ဘာဆေးလဲ...သာမန်အဆင့် နှစ်ခုကို တိုက်ရိုက်ကျော်ဖြတ်သွားခဲ့တာ…..”

“ လခွမ်း...တစ်စုံတစ်ယောက် က ဒီလို ဆေးလုံးမျိုး ရှိနေရင် တိုက်ပွဲတွင်း အဆင့်တက်ဖို့်က ကလေးကစားစရာလိုပါပဲလား…..”

“ဟီးဟီး...ကြည့်ရတာ ဂိုဏ်းတူအစ်ကိုကြီး လင်က သူ့ကိုယ်သူ ကျဉ်းထဲကြပ်ထဲ ရောက်အောင် လုပ်မိသွားတာပဲ...စောစောက ယီယွမ် ရဲ့ ကျင့်စဉ် အဆင့်က အလွန်နိမ့်ကျနေလို့ သူက အဋ္ဌမအလွှာကို အသုံးပြုခဲ့တာတောင် ဂိုဏ်းတူအစ်ကိုကြီး လင်ကို မခြိမ်းခြောက်နိုင်ခဲ့တာ...ဒါပေမဲ့ အခု ယီယွမ် ရဲ့ အဋ္ဌမအလွှာက ကြောက်စရာအလွန်ကောင်းသွားပြီ…..”