ပြိုင်ဘက်ကင်းဆေးနတ်ဘုရား
ဘာသာပြန်သူ -ဖြိုးသူဝင်း
Chapter 20
"အဖေ!!!"သူ့ဖခင်၏ ငြင်းဆန်မှုက ထန်ယုကို အလွန်စိတ်ပူသွားစေခဲ့သည်။
ယီယွမ်သည် ထန်ဇောင်ဟွာ က သူ၏သား ဒုက္ခ မရောက်စေလိုခြင်းကို သိနေခဲ့၏။ထန်ဇောင်ဟွာသည် သေမလိုဖြစ်နေခဲ့သော်လည်း ထိုသို့ငြင်းဆန်ရခြင်းမှာ ယီယွမ်က အလွန်ငယ်ရွယ်နေပြီး သူက ယီယွမ် မည်သည့်အရာမှ ပြုလုပ်နိုင်မည်မဟုတ်ဟု ယူဆထားခဲ့၍ ဖြစ်သည်။
ယီယွမ်ဒေါသမထွက်ခဲ့ပေ။ထန်ယုကို ဆက်မပြောရန် အချက်ပြခဲ့ပြီး ထန်ဇောင်ဟွာကို မေးလိုက်၏။"ဦးလေး...ကျနော်ခန့်မှန်းတာ မှန်တယ်ဆိုရင် ဦးလေးက "လေပွေကြီး ကြံ့ "တစ်ကောင်ကြောင့် ဒဏ်ရာတွေရခဲ့တာမလား???"
ထိုစကားကိုကြားပြီးနောက် ထန်ယုက စိတ်အားတက်ကြွသွားခဲ့၏။"ဘယ်လောက်တောင်မှန်ကန်တဲ့ ခန့်မှန်းချက်ကြီးလဲဗျာ....ရောင်းရင်းယီ က ဒါကို တစ်ချက်လေးကြည့်လိုက်တာနဲ့ မှန်းဆနိုင်တာပဲ......"
ထန်ဇောင်ဟွာ က မလှုပ်မရှားဘဲနေခဲ့ပြီး ချောင်းအဆက်အပြတ်ဆိုးနေခဲ့၏။သူက အဆီအငေါ်မတည့်စွာ မေးမြန်းလိုက်သည်။"ဒါက ယုအာက မိတ်ဆွေလေးကို ကြိုပြောပြထားတယ်မလား???စိတ်မရှိပါနဲ့နော်...... "
"အဖေ....ကျနော် ရောင်းရင်းကို ဘာမှမပြောခဲ့ပါဘူး....သူ့ဘာသာ ဒါတွေကို သိတာပါ...."သူ့ဖခင်သေလုမျောပါးဖြစ်နေသည်ကို မြင်၍ ထန်ယု က စိုးရိမ်ပူပန်နေပြီး နှလုံးကွဲကြေမတတ် ခံစားနေခဲ့ရ၏။
ထိုအခြေအနေကို ကြည့်၍ ယီယွမ် မျက်မှောင်ကုတ်လာခဲ့သည်။လူတစ်ယောက်ကို ကုသရန်မှာ ထိုလူနာ၏ နှလုံးသားကိုပါ ကုသပေးရန်လိုသည်။ထန်ဇောင်ဟွာက မိမိကိုယ်ကို သေလူအဖြစ်သတ်မှတ်၍ အသက်မရှင်ချင်တော့ပေ။သူက ထန်ဇောင်ဟွာကို အစွမ်းထက်မြက်ဆုံး အသက်ကယ်ဆေးတိုက်ကျွေးလျှင်ပင် သူ့ကို ကယ်ဆယ်နိုင်မည်မဟုတ်ပေ။
ယီယွမ်၏ အမြင်အရ ထန်ဇောင်ဟွာ ၏ ဒဏ်ရာများသည် အလွန်ပြင်းထန်ပြီး ယခုညကို ကျော်လွန်၍ နောက်တစ်နေ့တွင် အသက်ရှင်နိုင်တော့မည် မဟုတ်ချေ။ယခုကဲ့သို့ နှောင့်နှေးနေပါက ယီယွမ်က မှော်ဆေးပညာရှင်အင်ပါယာ ဖြစ်နေလျှင်ပင် ထန်ဇောင်ဟွာ ကို ကယ်ဆယ်နိုင်မည်မဟုတ်တော့ပေ။ထန်ဇောင်ဟွာ၏ အခြေအနေက "ပြန်လည်ကုစားခြင်းဆေးလုံး"ဖြင့် ကုသနိုင်လျှင်ပင် သူ့အား ကယ်ဆယ်ရန်မဖြစ်နိုင်ချေ။
YOU ARE READING
ပြိုင်ဘက်ကင်းဆေးနတ်ဘုရား
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...
