ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
စာစဉ်(7)
Chapter-76
“ သူက ဆေးဖက်ဝင်ပစ္စည်းတွေ ဘယ်လို ပြင်ဆင်ရမလဲဆိုတာကိုတောင် မသိတဲ့ လူပြိန်းတစ်ယောက်မဟုတ်လား...ယင်-ယန်ခွဲဖြာစီးဆင်းနည်းပညာရပ် ကို ဘယ်လိုအသုံးပြုရမယ်ဆိုတာ ဘာကြောင့်သိနေရတာလဲ…..”
ဆေးဖက်ဝင်ပစ္စည်းများ ပြင်ဆင်ခြင်းသည် မှော်ဆေးပညာရှင်များအကြားတွင် လုပ်နေကြဖြစ်သော အလေ့အကျင့်တစ်ခုဖြစ်သည်။ မှော်ဆေးပညာရှင်ဂရန်းမာစတာ တစ်ယောက်ဖြစ်သော ဝမ်ဂျင်ဖူ ပင် ထိုအဆင့်ကို ကျော်၍ လုပ်ဆောင်ခြင်းမရှိပေ။
သူ၏ ကျင့်စဉ်အဆင့်နှင့် မှော်ဆေးပညာရှင်အင်ပါယာတစ်ယောက် ဆေးဖော်စပ်သည်ကို နားလည်ရန် မဖြစ်နိုင်ပေ။
ထို့ကြောင့် ဝမ်ဂျင်ဖူ ၏ စိတ်ထဲတွင် ယီယွမ်ကို လူပြိန်းတစ်ယောက်အဖြစ် ယူဆထားခဲ့ခြင်းဖြစ်သည်။
“ သူ သိသည်ဖြစ်စေ၊မသိဘူးဖြစ်စေ ဆက်ကြည့်နေရင် အကြီးအကဲ က မြင်တွေ့ရတော့မှာပဲလေ...ရိုးရိုးသားသား ဝန်ခံရမယ်ဆိုရင် ကျွန်မကလည်း အဲဒါကို စောင့်နေတာပါ…..” ဖိန်လျှိုချင်က ပြုံး၍ ပြောလိုက်၏။
ဝမ်ဂျင်ဖူတို့စကားပြောနေသည်ကို လူတိုင်းကြားလိုက်ရ၏။ ကျောင်းသားများက သူတို့အချင်းချင်း တီးတိုးပြောနေခဲ့ကြသည်။
“ ယင်-ယန်ခွဲဖြာစီးဆင်းနည်းပညာရပ် ဟုတ်လား...အဲဒါ ဘာကြီးလဲ…..”
“ မသိဘူးလေ...တစ်ခါမှ မကြားဖူးဘူး…..”
“ ငါလဲ ခေါင်းရှုပ်လာပြီ...ယီယွမ်က တကယ်လုပ်နေတာလား...ဒါမှမဟုတ် ငါတို့ကို လှည့်စားနေတာလား…..”
“ လှည့်စားနေတာပဲ ဖြစ်မှာပါ...သူက ဆေးဖက်ဝင်ပစ္စည်းတွေ ဘယ်လိုပြင်ဆင်ရလဲဆိုတာကိုတောင် မသိဘူးလေ…..”
“ အင်းအင်း...ငါလဲ ဒီလို ထင်ပါတယ်…..”
အခြားသူများက ယင်-ယန်ခွဲဖြာစီးဆင်းနည်းပညာရပ် ကို မသိကြသော်လည်း ဝမ်ယွမ်က သိရှိပေ၏။ သူက သေသေချာချာ သိရှိထားခဲ့၍ ဝမ်ယွမ်၏ စိတ်အတွင်းမှ အထင်သေးမှုက ပို၍ ကြီးမားလာပေသည်။
YOU ARE READING
ပြိုင်ဘက်ကင်းဆေးနတ်ဘုရား
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...
