ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
စာစဉ်(12)
Chapter-139
“ဝိညာဉ်မှော်ရတနာရဲ့ ပိုင်ရှင်ပြဿနာကို ဖြေရှင်းဖို့အတွက်ကတော့ ကျွန်တော်တို့က တစ်နှစ်ဆိုတဲ့ ကာလကို အဆုံးအဖြတ်လုပ်ကြမယ်လေ...ခေါင်းဆောင်ရဲ့ ခွန်အား က အကြီးဆုံးမို့ ခေါင်းဆောင်က နှစ်ဝက်အချိန်ယူပါ...ကျန်တဲ့နှစ်ဝက်အချိန်ကတော့ ကျွန်တော်တို့ သုံးယောက်ခွဲခြမ်းလိုက်ပါမယ်...ကျွန်တော် တို့ တစ်ဦးချင်းစီက နှစ်လ ဆိုပြီး အညီအမျှ ခွဲဝေလိုက်ကြရင် အကောင်းဆုံးပါ…..”
ဒုတိယညီလေး က စကားများများပြောမိလာလေ ပို၍ စိတ်လှုပ်ရှားလာလေဖြစ်သည်။ သူ၏ ခွဲဝေမည့် အစီအစဉ် က သင့်လျော်မှု အရှိဆုံး ဖြစ်သည်ဟု သူက ထင်မြင်နေခဲ့၏။ ထိုအစီအစဉ်က ခေါင်းဆောင်၏ မကျေနပ်မှုကို ပယ်ဖျောက်ပေးနိုင်ပြီး သူကိုယ်တိုင်လည်း ဝိညာဉ်မှော်ရတနာတစ်ခုကို အချိန်တစ်ခုကြာ အသုံးပြုနိုင်ပေမည်။
“အိုး..မင်းရဲ့ အကြံအစည် က တော်တော်ကောင်းတာပဲ...ငါ သဘောတူတယ်…..” ချန်းဂျိချူက ခေါင်းညိတ်၍ ပြောလိုက်သည်။
“ဒါဆိုရင် ကျန်တဲ့ ညီအစ်ကို တွေကရော ဘယ်လိုထင်လဲ…..” ဒုတိယညီလေး က နောက်တစ်ကြိမ် ထပ်မံ မေးမြန်းခဲ့၏။
တတိယညီလေး နှင့် စတုတ္ထညီလေး တို့က ငြင်းပယ်ရန် စိတ်ကူး လုံးဝမရှိပေ။
ဒုတိယညီလေး က နောက်တစ်ကြိမ် ထပ်မံပြောလိုက်သည်။ “ဒီလိုမျိုး ငြင်းပယ်မဲ့သူ မရှိဘူးဆိုရင် ဒီကိစ္စကို စောစောကအတိုင်း ဆုံးဖြတ်လိုက်ကြတာပေါ့...ဒါပေမဲ့ လူတိုင်းက အနာဂတ်မှာ စိတ်ပြောင်းလဲခြင်း မရှိရအောင် မိုးကောင်းကင်တာအိုကို တိုင်တည်ပြီး သစ္စာပြုကြတာ ပိုကောင်း...အားးး…..”
ဒုတိယညီလေး က သူ၏စကားကို အဆုံးသတ်အောင်ပင် မပြောလိုက်ရဘဲ အဝေးသို့ လွင့်ပျံသွားခဲ့၏။
သူက လေထဲတွင် သွေးများစွာ ပန်းထွက်သွားခဲ့ပြီး မြေပြင်ပေါ်သို့ ခြေပစ်လက်ပစ် ပြုတ်ကျသွားခဲ့သည်။ သို့သော် သူက အသက်ရှူမှု မရှိတော့ပေ။ သူက သေဆုံးသွားသည်မှာ သိသာလှပေသည်။
YOU ARE READING
ပြိုင်ဘက်ကင်းဆေးနတ်ဘုရား
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...
