ပြိုင်ဘက်ကင်းဆေးနတ်ဘုရား

Chapter 41

ပြိုင်ဘက်ကင်းဆေးနတ်ဘုရား

ဘာသာပြန်သူ -ဖြိုးသူဝင်း

Chapter 41

လောင်ထန် က မည်သို့ဖြစ်ပျက်သွားသည်ကို မသိခဲ့သော်လည်း ဒန်ဝူအကယ်ဒမီမှ ကျောင်းသားများတွင် ထိုသိုင်းပညာရပ်နှင့် အနီးစပ်ဆုံးသူမှာ သူ့အပြင် အခြားသူမရှိချေ။

ယီယွမ်ယခု အသုံးပြုလိုက်သည်မှာ အမှန်တကယ်ပင် "ပထမအလွှာ" ဖြစ်ပေသည်။

"ဒါက ပထမဆုံးအကြိမ် သူက ကျောက်စိမ်းတုံးကို ကြည့်ရှုတာလား???သူကတကယ်ပဲ သုံးရက်ထဲနဲ့ အောင်မြင်ခဲ့တာပဲ....."လောင်ထန် ၏ စကားများတွင် ခံစားချက်များစွာ ရောထွေးပါဝင်နေ၏။

လျှိုဘူးရီ က ထိုအချက်ကို သတိရသွားပြီး မေးမြန်းလိုက်၏။"မင်းဆိုလိုတာက သူက အရင်က လေ့ကျင့်ဖူးတယ်လား???ဒါဆို လူအများကို လိမ်လည်ထားတာပေါ့.....အဲ့လိုဆိုရင် ဖြစ်နိုင်လောက်တယ်....."

လျှိုဘူးရီ က ပို၍ တွေးတောလေလေ ထိုအရာက ကိစ္စများ၏ အကြောင်းရင်းဖြစ်မည်ဟု ထင်မြင်မိလာလေဖြစ်သည်။သူ၏ မူပိုင်အမှတ်အသားဖြစ်သော တည်ငြိမ်အေးချမ်းခြင်း အငွေ့အသက်များ မျက်နှာတွင် ပြန်လည်ပေါ်ထွက်လာသော်လည်း အနည်းငယ် ဖိအားဝင်နေသလို ဖြစ်နေ၏။"ဒါကြောင့်မို့ ငါပြောပါတယ်.....မင်းထက် ဘယ်သူကများ ပိုပြီး မွန်းစတား ဆန်မှာလဲလို့.....ပြီးတော့ သူ့ရဲ့ မွန်းစတားဆန်မှုက ဒီလောက်အထိတောင်လားဟ......"

လောင်ထန်က ခေါင်းငြိမ့်၍ အသာအယာ ပြောဆိုလိုက်သည်။"ငါ က အဲ့လိုပြောတာ မဟုတ်ဘူး.....ဒါက ယူဆချက်တစ်ခုပဲ....တကယ်က ကျောက်စိမ်းတုံးကို သူကြည့်တာ ပထမဆုံးအကြိမ် ဆိုတာ ငါ မယုံနိုင်လို့ပဲ......"

လျှိုဘူးရီ က ပြောစရာစကားမရှိတော့သလို တိတ်ဆိတ်သွားခဲ့သည်။

စင်မြင့်အောက်မှ ဟုရန်ယွမ် ၏ အမူအရာမှာ မူလကနှင့် မတူတော့ဘဲ သူ၏မျက်လုံးထဲတွင် စ်ိတ်ဝင်စားသည့် အရိပ်အယောင် များ ဖြတ်ပြေးသွားခဲ့၏။

သူက ယီယွမ်၏ တိုက်ခိုက်မှုကြောင့် အံ့သြနေခြင်းဖြစ်သော်လည်း "ရေလွှာလက်ဖဝါးပညာရပ်"ကြောင့် အံ့အားသင့်ခြင်းမဟုတ်ဘဲ ယီယွမ်၏ ရွေ့လျားနည်းပညာရပ်ကြောင့် ဖြစ်သည်။