ပြိုင်ဘက်ကင်းဆေးနတ်ဘုရား

Chapter 116

ပြိုင်ဘက်ကင်းဆေးနတ်ဘုရား

ဘာသာပြန်သူ-ဖြိုးသူဝင်း

စာစဉ်(10)

Chapter-116

အမှန်တကယ် သူက ဖြတ်ကျော်သွားခဲ့သည်။

အကယ်၍ ယီယွမ် ၏ ရလဒ်ကိုပင် ဖြတ်ကျော်နိုင်ပြီဟု မပြောနိုင်လျှင် မည်သူက ဖြတ်ကျော်နိုင်တော့မည်နည်း။

ခေတ္တ တုန်လှုပ်သွားပြီးနောက် လုယန်၏ စိတ်ထဲ၌ အလွန် ပီတိဖြစ်နေခဲ့၏။ ဤသို့သော ဂျီးနီးယပ် တစ်ယောက် ပေါ်ပေါက်လာပြီဖြစ်၍ ငြိမ်သက်တိမ်တိုက်အဖွဲ့ က မြောက်ပိုင်း သို့ ပြန်လည်ရောက်ရှိရန် မည်သည့်အတွက် စိုးရိမ်နေရတော့မည်နည်း။

“ယီယွမ်...မင်းရဲ့ အရည်အချင်း က တည်ထောင်သူဘိုးဘေးကြီး ရွဲ့ဝူရ ထက် မြင့်မားတယ်...မင်းရဲ့ အနာဂတ်အောင်မြင်မှုတွေက သူ့ထက် မကျော်လွန်မှာပဲ ငါ စိုးရိမ်တယ်...ငါတို့ ငြိမ်သက်တိမ်တိုက်အဖွဲ့ က မင်းကို ရခဲ့တဲ့အတွက် တကယ်ကို ကံကောင်းနေခဲ့ပြီ…..” လုယန် က သက်ပြင်းချ၍ သဘောကျစွာ ပြောဆိုလိုက်၏။

“စီနီယာရဲ့ ချီးမွမ်းစကားကို ကျေးဇူးအများကြီးတင်ပါတယ်…..”

ယီယွမ်က သူ၏ အရည်အချင်း ကို မည်သည့်အချိန်တွင်မှ သံသယ မရှိခဲ့ပေ။

သူ၏ အတိတ်ဘဝ၌ သိုင်းပညာ ကို စိတ်ဝင်စားခြင်းမရှိခဲ့ပေ။သို့သော် သိုင်းပညာတာအိုတွင် သူ၏ အရည်အချင်း က ဂျိချန်းလန် အောက် နိမ့်ကျခြင်းမရှိပေ။

“သက်တံ့လမ်း…ထွက်ပေါ်လာစမ်း…..”

လုယန်က အသံတိုးတိုးပြောလိုက်ပြီး ဝင်္ကပါ ထဲသို့ ကိုယ်တွင်းစွမ်းအင်အနည်းငယ် ပစ်ထည့်ခဲ့၏။ထို့နောက် ရောင်စုံလမ်းမတစ်ခုက ကောင်းကင်ဘုံကိုးခုတောင်ထိပ်၏ အပေါ်၌ ပေါ်ပေါက်လာခဲ့သည်။

“ယီယွမ်...အခုအချိန်မှာ မင်းက တည်ထောင်သူဘိုးဘေးကြီး ရွဲ့ဝူရ ရဲ့ အမွေကို ဆက်ခံလိုက်ပြီလို့ ပြောလို့ရတယ်...မင်းက ဒီနေ့ကတိစကားကို မေ့မသွားဖို့ မျှော်လင့်နေတယ်...ငါက သေတော့မဲ့လူတစ်ယောက်မို့ ငြိမ်သက်တိမ်တိုက်အဖွဲ့ က မြောက်ပိုင်း ကို ပြန်လည်ရောက်ရှိတာကို မျက်မြင်မတွေ့နိုင်တော့ဘူး...မင်းက ဒီ ကန်ဟွာဓား ကို မင်းနဲ့အတူ ယူဆောင်သွားမယ်လို့ ငါမျှော်လင့်တယ်...တကယ်လို့ ငါတို့က မြောက်ပိုင်း ကို တစ်နေ့မှာ တကယ်ပြန်သွားနိုင်ပြီဆိုရင် မင်းက ဒီဓားကို မြောက်ပိုင်း ယူသွားမယ်လို့ ငါ မျှော်လင့်ပါတယ်...တကယ်လို့ မင်းက ဒီဓားကို အထင်မသေးဘူးဆိုရင် တိုက်ပွဲတွေမှာ အသုံးပြုလို့ရပါတယ်...ဒါကို ငါအသက်ဆက်နေပြီလို့ ယူဆလို့ရပါတယ်…..”