ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
စာစဉ်(7)
Chapter-73
“ ဟုတ်ပါပြီ...ငါမှားသွားပါတယ်...နင့်လို ရင့်ကျက်နေပြီဖြစ်တဲ့ လူတစ်ယောက်က သဘောထားမကြီးဘဲ ဒီအငြိုးအတေးတွေကို တစ်ဘဝလုံး ထိန်းသိမ်းထားမှာလို့တော့ မပြောနဲ့နော်…..”
အချိန်အတော်ကြာ တိတ်ဆိတ်နေခဲ့ပြီးနောက် ဖိန်ဇီရိုက အထီးကျန်မှုကို မခံစားနိုင်တော့၍ ပြောလိုက်သည်။ ထိုအရာမှာ သူမက ရိုးရိုးသားသားတောင်းပန်လိုက်ခြင်း ဖြစ်သည်။
“ ဒါက ငါ အငြိုးထား နေတာမဟုတ်ဘူး...ငါက မတော်တဆ မင်းကို ဒေါသထွက်စေမိမှာ စိုးရိမ်နေတာပါ...မိန်းကလေး ကြောင့် ငါ့အသက်က အချိန်မရွေးပျောက်ဆုံးသွားနိုင်တယ်လေ...ဒါကြောင့် ကျွန်ုပ်တို့ နှစ်ယောက်က ဝေးဝေးနေတာပိုကောင်းမယ်လို့ ထင်တယ်…..”
အမှန်တကယ်ပင် ယီယွမ်က ဖိန်ဇီရိုကို အနည်းငယ် ထိတ်လန့်နေခဲ့၏။ ထိုမိန်းမပျိုက အလွန်ခေါင်းမာပေသည်။သူမစိတ်ညစ်နေသောနေ့တွင် သူ့အားဓားဖြင့် မတိုက်ခိုက်ပါဟု မည်သူက အာမခံနိုင်မည်နည်း။ ယီယွမ်က ထိုအခြေအနေကို ရင်ဆိုင်နိုင်မည်ဟု အာမခံနိုင်ခြင်းမရှိပေ။
သူက မှော်ဆေးပညာလမ်းစဉ်၏ ထူးချွန်သူများကို ဂရုမစိုက်ဘဲနေနိုင်သော်လည်း သိုင်းပညာလမ်းစဉ်၏ ထူးချွန်သူများကို တော့ ဂရုမစိုက်၍ မရတော့ပေ။ ဖိန်ဇီရိုက သိုင်းပညာလမ်းစဉ်၏ အဆင့်သုံးဖြစ်သည်။ သူမကသာ သူ့အား တိုက်ခိုက်ပါက ယီယွမ်ခုခံနိုင်စွမ်းမရှိပေ။ ယီယွမ်က သူမအား ဒေါသအလွန်ထွက်စေခဲ့၏။ ယနေ့အချိန်ထိ သူမအား မည်သူကမှ ထိုစကားမပြောရဲကြပေ။
သူတို့က ယောက်ျားများ ဖြစ်ကြ၍ အဆင့်အတန်းမြင့်မားသည်ဖြစ်စေ၊နိမ့်ကျသူဖြစ်စေ၊ဆင်းရဲသူဖြစ်စေ ချမ်းသာသူဖြစ်စေ သူမနှင့် နီးစပ်ရန် လူတိုင်းက ကြိုးစားလေ့ရှိကြသည်။
သို့သော် ယီယွမ်က အခြားသူများနှင့် မတူဘဲ သူမနှင့် ဝေးဝေးနေရန် ကြိုးစားနေခဲ့၏။
ဖိန်ဇီရို က မြင့်မြတ်သောဘဝတွင် ကြီးပြင်းလာခဲ့ရ၍ အခြားယောက်ျားများ၏ ချဉ်းကပ်မှုကို မကြာမကြာ ခံစားခဲ့ရ၏။ အတိတ်ကသာ ယောက်ျားတစ်ယောက်ကထိုသို့ နားလည်ရန်ခက်ခဲစွာ ပြုမူနေပါက သူမ၏ စိတ်ဝင်စားမှုရရန် လုပ်ဆောင်နေခြင်းဟု ယူဆလိုက်ပေမည်။
YOU ARE READING
ပြိုင်ဘက်ကင်းဆေးနတ်ဘုရား
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...
