ပြိုင်ဘက်ကင်းဆေးနတ်ဘုရား

Chapter 107

ပြိုင်ဖက်ကင်းဆေးနတ်ဘုရား

ဘာသာပြန်သူ-ဖြိုးသူဝင်း

စာစဉ်(၁၀)

Chapter-107

လူတိုင်းက ယီယွမ်အပေါ်တွင်သာ အာရုံရောက်နေကြ၍ လောင်ထန်၏ ခန္ဓာကိုယ်မှ ရုတ်တရက်ပြောင်းလဲမှုကို လျှိုဘူးရီ မှ လွဲ၍ သတိထားမိသူ မရှိခဲ့ပေ။

သို့သော် လျှိုဘူးရီ ပင် ယီယွမ်၌ ဖြစ်ပေါ်ခဲ့သော ပြောင်းလဲမှု ကို မည်သည့်အရာမှန်း တိတိကျကျ မသိခဲ့ပေ။

နောင်နှစ်အနည်းငယ်အတွင်း လောင်ထန်က သိုင်းပညာစွမ်းရည် အဆင့်တစ်ခုကို ကျော်ဖြတ်ရောက်ရှိကာ အဆုံးမဲ့ကမ္ဘာကြီး ၏ ခွန်အားအကြီးမားဆုံး သူတစ်ယောက်အဖြစ် နတ်ဘုရားနိုင်ငံတော်သို့ တက်ရောက်သွားမည် ဟု ပြောသံများကို လျှိုဘူးရီ ကြားဖူးထားခဲ့၏။ ဤအချိန်တွင် ထိုစကားများ၏ အဓိပ္ပါယ်ကို ချင်နိုင်ငံမှ ရက်အနည်းငယ်အတွင်း နားလည်သွားခဲ့သည်။

အမှန်တကယ် ပင် ထိုကိစ္စက မဝေးတော့သော အနာဂတ်တွင် ရောက်ရှိလာပေတော့မည်။

လောင်ထန်က လျှိုဘူးရီနှင့် စကားစမြည်ပြောဆိုနေစဉ်တွင် လူအုပ်ကြီးထံမှ ပွက်လောရိုက်သံများ နောက်တစ်ကြိမ် ထွက်ပေါ်လာခဲ့၏။

“ မြန်မြန်ကြည့်လိုက်...ယီယွမ်က သွားနေတာကနေ ရပ်သွားပြီ…..”

“ဟုတ်သားပဲ...သူက ခြေလှမ်း ၃၃၃ လှမ်းမြောက်မှာ ရပ်သွားပြီ...နောက်ထပ် ၅ လှမ်းပဲ လှမ်းနိုင်ခဲ့တာပါလား…..”

“သူက ငါ့ကို သေလောက်အောင် ထိတ်လန့်စေခဲ့တာ...သူက အနိုင်မခံအရှုံးမပေးတဲ့ စိတ်ဓာတ်နဲ့ ရှေ့ကိုဆက်သွားမယ်လို့ပဲ ထင်ခဲ့တယ်…..”

“ မင်း ရူးနေတာလား...ဒါက ချီစွမ်းအင်နယ်ပယ်တွေ အတွက် သေခြင်းနယ်မြေဖြစ်တဲ့  ကောင်းကင်ဘုံကိုးခုလျှောက်လမ်းနော်...သူက ဘယ်လိုလုပ်ပြီး အခက်အခဲမရှိ ရှေ့ဆက်သွားနိုင်မှာလဲ...ကောင်းကင်ဘုံကိုးခုလျှောက်လမ်း ရဲ့ တကယ့်အခက်အခဲက အလယ်ခြေလှမ်း ၃၃၃ လှမ်း မှ စတင်တာ...ကောင်းကင်ဘုံကိုးခုလျှောက်လမ်း ကို စိန်ခေါ်ခဲ့ကြတဲ့ ချီစွမ်းအင်နယ်ပယ် အားလုံးက ဒီအဆင့်မှာ ကျရှုံးသွားခဲ့ကြတယ်...ယီယွမ်ရဲ့ မွန်းစတားဆန်တဲ့ စွမ်းရည်မျိုးနဲ့ ပထမအဆင့်မှာဘယ်လိုလုပ် ကျရှုံးပါ့မလဲ…..”