၅၇၂။ သတ်ဖြတ်သူ လူငယ်-၄
သို့သော် ထိုလူငယ်က ကျောက်ချူတို့ထက် ပိုသန်မာတာကို ဂျန်ဝုရှီ အနည်းငယ် ခံစားမိသည်။ ထိုလူငယ်နောက်ရှိ လူသုံးယောက်သည်လည်း လူငယ်ထက် အားနည်းကြသူများ မဟုတ်ကြချေ။
အားကောင်းသော လူလေးယောက် ရုတ်တရက် ပေါ်ပေါက်လာခြင်းက သူမအား အနည်းငယ် ပိုမို၍ သတိထားစေပြီး သူတို့နှင့် ဂရုတစိုက် ရင်ဆိုင်ဖြေရှင်းဖို့ပါ သတိပြုမိစေသည်။
ဘာ့ကြောင့် အလယ်ဘုံမှ လူများ ဒီချန်လင်းမြို့မှာ အကြောင်းပြချက် ကောင်းကောင်းမရှိဘဲ ပေါ်လာကြသနည်း။
မင်း သူတို့ကို အစစ်အမှန် ခရမ်းရောင်အဆင့် ကျွမ်းကျင်ပညာရှင်တွေလို့ မသုံးသင့်ဘူး။ ဟွာယောင်းက ရှင်းပြသည်။ သူ မျက်မှောင်ကြုတ်နေသည်။ အလယ်ဘုံက လူတွေမှာ ပြိုင်ဘက်ကင်း နည်းစနစ်ကို ပိုင်ဆိုင်ထားကြတယ်၊ အဲနည်းစနစ်က သူတို့ကို ခရမ်းရောင်ဝိညာဉ်စွမ်းအားအဆင့်ကို တွန်းပို့ပေးတယ်၊ ဒါပေမဲ့ အဲနည်းစနစ်က အချိန်အကြာကြီး တည်တံ့အောင် လုပ်မပေးနိုင်ဘူး၊ ငါတို့ရဲ့ ဝိညာဉ်စွမ်းအားတွေ တိုးတက်လာတာနဲ့ အဲနည်းစနစ်အတိုင်း လုပ်ဆောင်ရင် အချိန်ကြာကြာ ထိန်းထားနိုင်တယ်၊ တဖြည်းဖြည်းနဲ့ ခရမ်းရောင်အဆင့် ဝိညာဉ်စွမ်းအား အစစ်အမှန်ကိုလည်း ရရှိစေတယ်။
ဒါသည်ပင် အလယ်ဘုံမှ လူများက အောက်ဘုံမှ လူများထက် ပိုမိုသန်မာကြခြင်း၏ အကြောင်းပြချက် ဖြစ်သည်။ ဘာ့ကြောင့်နည်း။ သူတို့မှာ လက်စွပ်ဝိညာဉ်များ နိုးထလာသည်နှင့် ခရမ်းရောင်ဝိညာဉ်စွမ်းအားကို ထုတ်သုံးနိုင်သောကြောင့် ဖြစ်သည်။
ထို့ကြောင့်ပင် အလယ်ဘုံမှ ထိုလူလေးယောက်၏ ရုတ်တရက် လျှို့ဝှက်သိုသိပ်စွာ ပေါ်ပေါက်လာခြင်းက ဟွာယောင်းတို့ အုပ်စုကို နှစ်ဆတက် ဂရုတစိုက် ဖိအားပေး သတိထားစေသည်။ အရင်တုန်းက တိမ်ထူတောင်ထွတ်များတွင် လူနှစ်ယောက်နှင့်သာ သူတို့ ကြုံခဲ့ကြရသည်။ ထိုစဉ်က ယဲ့ရှ၏ ကိုယ်ကျိုးစွန့် အနစ်နာခံသွားခြင်းကြောင့်သာ သူတို့ အသက်မသေခဲ့ရခြင်း ဖြစ်သည်။ ဒါတောင် သေခါနီး ဖြစ်ခဲ့ရသေးသည်။
