ပါရမီရှင်သမားတော်(၂)

၇၈၃။ ညစာစားပွဲ (၁၀)

၇၈၃။ ညစာစားပွဲ (၁၀)

ငါ အဆင်ပြေတယ် ဂျန်ဝုရှီက လေ့ယွမ် ဘာ့ကြောင့် အပြောင်းအလဲ မြန်ရသလဲကို ဒုက္ခခံပြီး စဉ်းစားမနေတော့ပေ။ သူမက အရေးမစိုက်ဟန်ဖြင့် ချက်ချင်းပင် တုံ့ပြန်ပြီး လှည့်ထွက်သွားသည်။ လရောင်ဖြင့် ရွှန်းလဲ့နေသော ဥယျာဉ် အလှ၏ အရသာကို သူမ ဆက်လက် ခံစားနေလိုက်သည်။

ဂျန်ဝုရှီ၏ လုံးလုံး လျစ်လျူရှူခြင်းခံလိုက်ရသော လေ့ယွမ်က နည်းနည်းလေးပင် စော်ကားသလို မခံစားရဘဲ ဂျန်ဝုရှီနောက်သို့ လိုက်ပါလာကာ စကားစပျိုးလာသည် မင်း အဆင်ပြေရင် ကောင်းတာပေါ့၊ လိပ်ပြာတိုက်ပွဲကို ငါတို့ ကျင်းပပေးတာဆိုတော့ လိပ်ပြာတိုက်ပွဲ မစတင်ခင် ပြိုင်ပွဲဝင်တွေ ဒဏ်ရာ အနာတရ ဖြစ်သွားမယ်ဆိုရင်, ဒါက ငါတို့ရဲ့ စီမံခန့်ခွဲမှု တစ်စိတ်တစ်ပိုင်း ကျရှုံးသွားတာပဲ။

ဂျန်ဝုရှီက လေ့ယွမ်ကို ဖျတ်ခနဲ ကြည့်လိုက်သည်။ သူ့နှလုံးသားက သံသယ ကြီးထွားလာသည်။

‌လေ့ချန်၏ အရင်က ဆက်ဆံပုံကလည်း သူမအား အနည်းငယ် သံသယ ဖြစ်စေခဲ့သည်။ လေညင်းကျောင်းတော်က ကျဆင်းနေပြီ ဖြစ်သဖြင့် သူ့အား လက်ခံနိုင်စေဖွယ်ရာ ဘာတစ်မျှ မရှိကြောင်း သူမ စဉ်းစားမိသည်။ သို့သော် လေ့ချန်က သူတို့ကို ကပ်တွယ်လာခဲ့သည်။ ထိုအရာကို သူမ စက်ဆုပ်ရွံ့ရှာခဲ့သဖြင့် လေ့ချန်ကို ရှောင်ရှားခဲ့သည်။ ထို့ပြင် အခု, လေ့ယွမ်က နဖူးတိုက် ဒူးတိုက် လုပ်လာပြန်လေ၏။ ရန်တိုင်းပြည်၏ မင်းသားများက ထိုလိုချည်းများလော။ သူတို့အားလုံး ခေါင်းများ ကောင်းကြသေးရဲ့လော။

သူမမိသားစုနှင့် သူမအပေါင်းအသင်းများမှ တပါး, ဂျန်ဝုရှီက တခြားသူများနှင့် စကားပြောရတာကို မနှစ်သက်ပေ။ လေ့ယွမ်က မရပ်မနား တဗြစ်ဗြစ် စကားပြောလာသည်။

ပြန်သွားတော့မယ် ဂျန်ဝုရှီက တုံးတိတိဖြင့် ဖြတ်ပြောလိုက်သည်။

ထို့နောက် သူမက နောက်ထပ် စကားတစ်ခွန်းမျှ မပြောတော့ဘဲ ညစာစားပွဲသို့ ပြန်လှည့်သွားလေ၏။

လေ့ယွမ် မျက်နှာပျက်သွားသည်။ ဂျန်ရှီက လေ့ချန်၏ အကျင့်စရိုက်ကို မနှစ်သက်သဖြင့် လေ့ချန်အား အေးစက်စက် ဆက်ဆံသည်ဟူ၍ လေ့ယွမ်က တွေးမိသည်။ အခု လေ့ချန်နှင့် မတူကွဲပြားသော အမူအရာဖြင့် သူ့ကို ဆက်ဆံလိမ့်မည်ဟူ၍ သူ တွေးထားမိသည်။ သို့သော် လူငယ်လေးက အေးတိအေးစက် ပင်ကိုယ်စရိုက် ရှိသဖြင့် ချည်းကပ်လာသည့် မည်သူ့ကို မဆို ဆက်ဆံရေး ကွဲပြားလိမ့်မည် မဟုတ်ကြောင်း သူ စဉ်းစားမိစ ပြုလာသည်။