ပါရမီရှင်သမားတော်(၂)

၇၁၁။ ခရမ်းရောင်ဝိညာဉ်စွမ်းအား၏ စိုးမိုးခြယ်လှယ်နိုင်စွမ်း (၁)

၇၁၁။ ခရမ်းရောင်ဝိညာဉ်စွမ်းအား၏ စိုးမိုးခြယ်လှယ်နိုင်စွမ်း (၁)

ဂုန်ချန်းလီက ခဏလောက် ရပ်ပြီး ဂျန်ဝုရှီကို ထပ်ကြည့်၍ ဂုယင်ကို ပြန်လှည့်ကြည့်သည်။ သူက စကားပြောဖို့ တွန့်ဆုတ်နေသည်။

ပြောစရာရှိတာ ပြောစမ်းပါ ဂုယင်က စိတ်မရှည်တော့ပေ။

ဂုန်ချန်းလီက တံတွေးမျိုချ၍ ပြောသည် ဝမ်ရှင်းဟန်က ဖန်ဂျင်ကို ဒီကနေ ခေါ်ထုတ်သွားတယ်။

ဂုယင်၏ မျက်ခုံးများ ပင့်တက်သွားသည်။ သူက အထိတ်တလန့်ဖြင့် မေးသည် ခင်ဗျား ဘာ ပြောတယ်။

ဂုန်ချန်းလီက ပြောသည် သူ အခု ဖန်ဂျင်ကို ချုပ်ထားတဲ့ နေရာမှာပါ၊ ကျောင်းအုပ်ကြီးက သူ့ကို ရပ်တန့်ဖို့ ကြိုးစားနေပါတယ်၊ ဒါပေမဲ့ ဝမ်ရှင်းဟန်ရဲ့ စွမ်းအားက.... ကျောင်းအုပ်ကြီး သူ့ကို တားလို့ ရမယ်လို့ ငါ မထင်ဘူး၊ ဒါ့ကြောင့် ငါ မင်းကို လာပြောတာပါ။

ဂုယင်၏ မျက်လုံးများ ကျဉ်းမြောင်းသွားသည်။ သူ အလျင်အမြန် မတ်တပ်ရပ်လိုက်သည်။ သူ ထွက်ခွာသွားရန် ဟန်ပြင်ချိန်မှာ ရုတ်တရက် ရပ်တန့်လိုက်သည်။

အကိုကြီးလည်း လိုက်ကြည့်အုံးမလား ဂုယင်က ဂျန်ဝုရှီသို့ လှည့်ကြည့်၍ မေးသည်။ သူ့နှုတ်ခမ်းများက အပြုံးကြောင့် တွန့်ကွေးလို့ နေသည်။

ဂျန်ဝုရှီက ပန်းကန်လုံးနှင့် တူများကို အသာအယာ ချထား၍ အပြုံးဖြင့် ‌တောက်ပနေသော ဂုယင်၏ မျက်နှာကို ကြည့်လိုက်သည်။ သူမက ဖြည်းညင်းစွာ ထ၍ ပြောသည် သေချာတာပေါ့။

ဂုန်ချန်းလီက ချက်ချင်းပင် ဂုယင်နှင့် ဂျန်ဝုရှီကို အသော့နှင်လျက် ခေါ်ဆောင်သွားသည်။ သူတို့ သုံးယောက် ထွက်ခွာသွားပြီးနောက် ကြောင်နက်လေးက ပုန်းအောင်းနေရာမှ ထွက်လာပြီး ပွင့်နေသော တံခါးကို ခုန်ကျော်၍ လေညင်းကျောင်းတော် အပြင်ဘက်သို့ အပြေးထွက်သွားလေ၏။

ဖန်ဂျင်ကို အကျဉ်းချထားသော နေရာရှေ့တွင် လေညင်းကျောင်း‌‌တော် သားများဖြင့် ပြည့်နှက်နေသည်။ သူတို့အားလုံး လည်ပင်းမော့ကြည့်၍ နားစိုက်ထောင်နေကြသည်။ အဖြစ်အပျက်ကို သိချင်ကြလို့ ဖြစ်သည်။